- गण्डकी गाउँपालिकाको अध्यक्ष र उपाध्यक्षमा जित
कैलासबावु श्रेष्ठ/गोरखा
जेष्ठ ३ गते । गोरखा जिल्लामा नेपाली काँग्रेसलाई दोस्रो जित हात परेको छ । मंलबार साँझ चुमनुब्री गाउँपालिकामा अध्यक्षमा जित हात पारेको काँग्रेसले बुधबार दिउसो सम्ममा गण्डकी गाउँपालिकाको अध्यक्ष र उपाध्यक्षमा जित हात पारेको हो ।
मत परिणाम अनुसार माओबादी केन्द्रका उम्मेदवारलाई पछी पार्दै नेपाली काँग्रेसका होम बहादुर राना र ललिता अधिकारी बिजयी भएको छ । खसकेको कुल मत मध्ये रानाले ४ हजार १ सय ६४ मत ल्याएका थिए भने अधिकारीले ४ हजार ९७ मत ल्याएर बिजयी भएका हुन ।
राना र अधिकारीले माओबादी केन्द्रका दिपक तिमिल्सीनाले ३ हजार ८ सय ९० मत र ३ हजार ८ सय ७३ मत ल्याएका थिए । मत गणना सकिए पनि वडा नम्बर ८ को वडाध्यक्षको मत गणनामा विवाद आए पछि पुनः मत गणना गर्ने वा नगर्ने भन्ने बिषयमा विवाद भै रहेको छ ।
कुल १४ हजार ५७ मतदाता रहेको उत्त गाउँपालिकामा ८ वटा वडा रहेको छ । निर्वाचन अधिकृतले आधिकारीक घोषणा गर्न भने बाँकी नै रहेको छ ।
निर्वाचन परिणाम वडा नम्बर अनुसार
१) गिर बहादुर गुरुङ्ग माओबादी केन्द्र
२) देउ बहादुर गुरुङ्ग नेपाली काँग्रेस
३) नवराज श्रेष्ठ नेपाली काँग्रेस
४) नर बहादुर पाण्डे नेपाली काँग्रेस
५) जस बहादुर सिं थापा मगर नेपाली काँग्रेस
६) जिवन गुरुङ्ग माओबादी केन्द्र
७) तुलसी रेग्मी माओबादी केन्द्र
८) नवराज बिसुराल माओबादी केन्द्र
