कैलासबावु श्रेष्ठ/गोरखा
वैशाख ३१ गते । २ दशक पछि भएको स्थानिय नि र्वाचनमाको मतदान केन्द्रमा निर्वाचन प्रमुख बाहेक सबैलाई मोबाईल लान प्रतिबन्ध लगाईएको भएता पनि मतदाता देखी राजनैतिक उम्मेदवारका उजेन्ट सबैले मोबाईल प्रयोग गरेको पाईयो ।
निर्वाचन आयोगले पहिलो चरणमा आइतबार वैशाख ३१ गते भएको स्थानीय तहको निर्वाचनका सबै केन्द्रमा मोबाइल सञ्चार उपकरणको प्रयोगमा प्रतिबन्ध लगाएको थियो । “यसपटकको स्थानीय तह निर्वाचनमा मोबाइल फोन मतदान केन्द्रमा लैजान निषेध गरेका छौँ, मतदातालाई मोबाइल कल र एसएमएसमार्फत धम्क्याउने, दबाब दिने लगायतका काम हुनसक्ने भएकाले आयोगले यस्तो निर्णय गरेको हो”, आयोगका सूचना अधिकारी सूर्यप्रसाद अर्यालले बताए ।
अर्यालले निर्वाचनमा संलग्न अधिकारीहरूबाहेक कसैले पनि मोबाइल फोन साथमा लिएर मतदान केन्द्रमा जान नपाउने बताएता पनी गोरखा जिल्लाको सबै केन्द्रमा अधिकाशंले मोबाइल फोन प्रयोग गरेका थिए । मतदान केन्द्र बाहिर नै मोबाइल फोन प्रतिबन्ध लगाएको सूचना टाँसिएको भएता पनि सूचनाको अवज्ञा गर्दै अधिकाशंले मतदान स्थलमा नै मोबाइल फोन प्रयोग गरी रहेका थिए ।
मतदातालाई मतदान गरेको मतपत्रको फोटो खिचेर देखाऊ भन्नेजस्ता कार्य हुनसक्ने भएकाले मतदाताको गोपनीयता भङ्ग हुने र मतदान केन्द्रको वातावरणमा समेत मोबाइल उपकरणको प्रयोगले असर पर्नसक्ने भएकाले निर्वाचन आयोगले मतदान स्थमा मोबाईल फोन प्रतिवन्ध गरेको थियो ।
