गोरखा समाचारदाता
बैशाख ११ गते । शहिद लखन गाउँपालिकामा कार्यरत नेपाली कांग्रेस निकट शिक्षकहरुको भेलाले नयाँ संरचना अनुसार वडा अध्यक्षहरु चयन गरेको छ ।
मुलकमा भर्खरै सञ्चालनमा आएको संघिय खाका अनुसार गाउँपालिकाको हरेक वडामा एक/एक जना संयोजक तोकिएको शिक्षक संघ गोरखाका उपाध्यक्ष शिव बहादुर थापा मगरले जानकारी दिएका छन् । जस अनुसार वडा नम्वर १ मा शिवहरी अर्याल, २ मा हरि बहादुर श्रेष्ठ, ३ मा हरिकुमार श्रेष्ठ, ४ मा बाबुराम लामिछानेले वडा संयोजकको जिम्मेवारी पाएका छन् ।
यसैगरी वडा नम्वर ५ मा श्रीभद्र अधिकारी , ६ मा सिताराम ढकाल, ७ मा गणेशमान श्रेष्ठ, ८ मा पुर्णकुमार श्रेष्ठ र ९ मा कमल खड्का चयन भएको शिक्षक संघ गोरखाले जानकारी दिएको छ ।
जिल्ला उपाध्यक्ष थापाको अध्यक्षता तथा जिल्ला अध्यक्ष लुमनाथ लामिछानेको प्रमुख आतिथ्यतामा भएको कार्यक्रममा नेपाली कांग्रेस गोरखाका महासमिति सदस्य मोहन प्रकाश पोखरेल, ट्रेड युनियन कांग्रेस गोरखका अध्यक्ष खुन प्रसाद रेग्मी, वेद प्रसाद अधिकारी लगायतले मन्तव्य ब्यक्त गरेका थिए ।
