कैलासबावु श्रेष्ठ/गोरखा
चैत्र १७ गते । गोरखा जिल्लाको उहियाँ गा.वि.स. वडा नं. ५ मा पुरानो बन्दुरक सफा गर्ने क्रममा आरनमा हाल्द अचानक पड्कीएर ६१ बर्षे झाक्री भन्ने दिल बहादुर सुनारको ज्यान गएको छ ।
जंगलमा बाख्रा चराउन गएको बेला स्थानिय चिन्त गुरुङ्गले फेला पारेको बन्दुकको नाललाई भाली बनाउने क्रममा आरनमा तताउदा अचानक पड्कीदा सुनारको तिघ्राका साथै गुप्ताङ्गमा छर्राले लागेर घटना स्थलमा नै मृत्यु भएको जिल्ला प्रहरी कार्यालय गोरखाले जानकारी दिएको छ ।
बन्दुकको नाल भन्दा मुनीको भाग नभएको अबस्थामा चैत्र १६ गते फेला पारी सोही दिन आरनमा हाल्दा उत्त घटना भएको थियो ।
घटना लगत्तै प्रहरीलाई सूचना प्राप्त भएको र घटनामा संलग्न भएका गुरुङ्गलाई आवश्यक अनुसन्धानका लागि प्रहरीले नियन्त्रणमा लिएको जिल्ला प्रहरी कार्यालय गोरखाका प्रहरी नायब उपरिक्षक बिरेन्द्र थापाले बताउनु भयो । थापाका अनुसार आवश्यक कानूनी प्रकृयाका लागि गुरुङ्गलाई सदरमुकाम लाई अनुसन्धान भै रहेको बताउनु भयो ।
