कैलासबावु श्रेष्ठ/गोरखा
चैत्र १५ गते । उत्तरी गोरखाको चुम भ्याली जाने मुख्य मार्ग अन्तरर्गतको सर्दिभिरमा विदेशी दातृ निकायले क्यान्टीलिभर पुल निर्माण गरीदिए पछि स्वदेशी तथा विदेशी पर्यटकलाई आवत जावतमा सजिलो भएको छ ।
हिउदमा फड्के राखेर काम चलाउने उत्त भिरमा डिएफआईडीको आर्थिक सहयोग एवं सामर्थ नेपालको साझेदारीमा क्यान्टीलिभर पुल निर्माण भए पछि सजिलो भएको हो । फागुन अन्तिम साता तिर निर्माण सम्पन्न भै सञ्चालनमा आएको उत्त पुलबाट अब भने जुनसुकै मौषममा पनि आवत जावत गर्न सजिलो हुने निर्माण समितिका सचिव सेराप गुरुङ्गले बताउनु भयो ।
हिउँदमा हालेको फडके बर्षामा बगाए संगै डोरीको सहायताले वारपार गनुपर्ने बाध्यता अब हटेको छ । उत्तरी गोरखाको चुम भ्याली घुम्न आउने बिदेशी पर्यटक बर्षामा सोही स्थानबाट फर्कनुपर्ने बाध्यता अब नरहेको गुरुङ्गले बताउनु भयो ।
सर्दिभिरमा निर्माण भएको १ सय २८ मिटर मध्ये क्यान्टीलिभर मात्र ९० मिटरमा निर्माण भएको छ । गोरखा जिल्लाको यारु बगरमा पनि यस अघि यस्तै प्रकृतीको पुल निर्माण भै सञ्चालनमा आई सकेको छ ।
तस्बिर सौजन्य सेराप गुरुङ्ग चुम्चेत लोक्पा/गोरखा
