कैलासबावु श्रेष्ठ/गोरखा
चैत्र १५ गते । धार्मिक तथा ऐतिहासिक र पर्यटकिय महत्व बोकेको गोरखाको साविक स्वाराँ गाउँ बिकास समिति अर्थात सुलिकोट गाउँपालिकाको स्वाराँमा चैते दशैको बेलामा नबौं सितागुफा मेला आयोजना गरीएको छ ।
साविक स्वाराँ गाबिस २ मा रहेको सितागुफा लाई चिनाउने उद्वेश्यका साथ केही बर्ष देखी विभिन्न चाढपर्वमा मेलाको आयोजना गरीदै आएको छ । यस पटक पनि चैते दशैमा मेलाको आयोजना गरी गुफाको प्रचार प्रशार गर्ने प्रयास गरीएको छ । सञ्चार माध्याममा त्यती चर्चामा नआएको उत्त गुफा नेपालै ठुलो मध्ये एक मानिन्छ ।
आन्तरीक तथा बाहय पर्यटकलाई गुफा तथा धार्चेको मनोरम दृष्य देखाउनकै लागि धार्चे मनास्लु पर्यटक बिकास उपसमिति र गाउँको विभिन्न समूहको आयोजनामा हुन लागेको उत्त मेलामा स्थानिय खाना, झाँकी, तथा कलाकारहरु द्वारा लोक संस्कृती समेत प्रस्तुत गरीने छ ।
मेला चैत्र २१ गते देखी २३ गते सम्म चल्ने छ ।
तस्बिर सलिना गुरुङ्ग फेसबुक पेजबाट
