कैलासबावु श्रेष्ठ/गोरखा
चैत्र १४ गते । गोरखा जिल्लाका भूकम्प प्रभावितको घर निर्माणका लागि जिल्ला बन कार्यालय गोरखाले सस्तोमा काठ बाड्ने तयारी गरेको छ । वितरण गरीने काठ चितवनबाट ल्याइने भएको कार्यालयले जानकारी गराएको छ ।
जिल्लाका भूकम्प पिडितलाई सुलभ मुल्यमा बिक्री गर्ने गरी चितवनबाट १० ह जार क्यूफिट काठ ल्याउन लागिएको जिल्ला वन अधिकृत जिवनाथ पौडेल बताउनु भयो । वन विभागको स्विकृती संगै उक्त परिमाणको काठ जिल्ला भित्रने पौडेलले बताउनु भयो ।
राष्ट्रिय वनबाट उत्पादिन १८ हजार क्यूफिट काठ मध्ये १० हजार क्यूफिट काठ गोरखा ल्याउन लागिएको कार्यालयले जनाएको छ । आयातित काठ ३ सय देखी ८ सय रुपैयाँ प्रति क्यूविक फिटका काठ छन् । सरकारी राजस्वको ९० प्रतिशत छुटमा काठ गोरखा ल्याउन लागीएकोे हो ।
भूकम्प प्रभावितका लागि भन्दै सरकारले राजस्वमा ९० प्रतिशतसम्म छुटको घोषणा गरेको थियो । कटान, मुछान र ढुवानी खर्च गोरखा स्थित जिल्ला बन पैदावार आपूर्ति समितिले व्यहोर्ने भएको छ । भूकम्प प्रभावित जिल्लामा भूकम्पबाट भत्केका काठ र काठजन्य सामग्री ओसारपसार गर्ने कार्र्यिवधि २०७२ अनुसार गोरखा काठ ल्याउन लागीएको हो ।
जिल्ला वन पैदावार आपुर्ति समिति गोरखाले चितवनबाट गोरखा काठ ल्याउनका लागी पहिलो चरणमा ५ लाख रुपैयाँ सरकार संग माग गरेको छ । जिल्लामा काठ भित्रीनासाथ भूकम्प पिडीतको मागबाट आवेदन मागेर प्राथमिकताको आधारमा प्रचलित बजार मुल्यमा बिक्री गरिने बन अधिकृत पौडेलले बताउनु भयो ।
निजि घर, सार्वजनिक भवन, सरकारी कार्यालय, विद्यालय लगायतका संरचना पुननिर्माण गर्न ७० लाख क्युविक फिट काठ आवश्यक पर्ने अनुमान गरीएको छ । अधिकृत जिवनाथ पौडेलका अनुसार ३५ लाख क्युबिक काठ जिल्लामा नै हुने भएता पनि आधा काठ अपुग हुने छ ।
पुननिर्माणको काम सक्न ५ वर्ष लाग्ने हो भनेपनि वर्षमा करीब ५ लाख क्यूविक फिट काठको आवश्यक हुन्छ । जिल्लाको स्रोतबाट वार्षिक करीब २ लाख क्यूविक फिट काठ मात्रै उपलब्ध हुन सक्ने भएकोले बाँकी काठ बाहिरी जिल्ला बाट ल्याउनु पर्ने देखीन्छ ।
गोरखा बजारमा यती खेर प्रति क्युफिट काठको मूल्य झण्डै ४ हजार रुपैयाँ छ । यही मूल्यलाई आधार मान्ने हो भने पुनःर्निर्माणका लागि ७ अर्ब २० करोड रुपैयाँको काठ आवश्यक पर्ने दैवी प्रकोप उद्धार समितिका सदस्य एवं जिल्ला वन अधिकृत जीवनाथ पौडेलको अनुमान छ ।
