कैलासबावु श्रेष्ठ/गोरखा
चैत्र ११ गते । गोरखा जिल्लाको सोती देखी उत्तरी क्षेत्र साम्दो सम्म सडक खन्ने कार्यको लागि नेपाली सेनाले पहिलो चरणमा १ स्थानमा शिवीर स्थापना गरेको छ । अर्को शिवीर भने केही समय पछि गर्ने नेपाली सेनाले जानकारी दिएको छ ।
धादिङ्गको बेनिघाट हुदै आरुघाट–आरखेत–लार्के सड्क खन्ने कामका लागि नेपाली सेनाले जिम्मेवारी पाए लगत्तै अर्मलामा सेनाले आफ्नो शिवीर स्थापना गरेको हो ।
सोती भन्दा माथिको सड्क खण्ड
नेपाली सेनाले दुइ खण्ड गरी निर्माण गर्न लागेको कच्ची सड्कका लागि केही समय भित्रै माछाखोलामा पनि शिवीर स्थापना हुने जनाएको छ ।
बिगतमा ११ किलो–छेवेटार–भालुस्वाराँ–बारपाक सडक योजनाले निर्माण गर्दै आएको लार्के सड्क शुन्य प्रगति भए पछि नेपाल सरकारले नेपाली सेनालाई सडक निर्माणको जिम्मा लगाएको थियो ।
सेनाले अहिले विस्तृत अध्ययन गरी रहेकोले केही समय भित्रै कामको थालनी गर्ने भएको छ । पहिलो चरणमा सड्न निर्माणका लागि नेपाली सेनालाई नेपाल सरकार मार्फत ३ करोड ५० लाख रुपैयाँ दिइ सकिएको छ ।
आरखेत सोती सड्क खण्ड जहाँ अहिले यातायात सञ्चालनमा आइसकेको छ ।
सेनाले गनु पर्ने काम मध्ये केही अप्ठ्यारा पहरा भएका कारण अत्याधिक बिष्फोठक पदार्थ चाहिने र उत्त पदार्थ सेनाकै मातहात हुने भएपछि सेनालाई सड्क जिम्मा लगाउदा काममा सहजता आउने भए पछि सोही अनुसार सडकको जिम्मा नेपाली सेनालाई दिइएको थियो ।
कुल १ सय २० किलो मिटर रहेको उत्त सडक बाटोको आधा काम भने सकि सकेको छ ।
