कैलासबावु श्रेष्ठ/गोरखा
चैत ४ गते । संघीय मामिला तथा स्थानीय विकास मन्त्रालयले गोरखाको ७ गाउँपालिकामा कार्यकारी अधिकृत खटाएको छ । मन्त्रालयले शुक्रवार प्रेस विज्ञप्ति जारी गर्दै गाउँपालिकामा कार्यकारी अधिकृत तोकेको जनाएको हो । मन्त्रालयका अनुसार स्थानीय तहको निर्वाचनको तयारी एवं व्यवस्थापन गरी स्थानीयलाई सेवा प्रवाह गर्दै विकास निर्माणको काम गर्न कार्यकारी अधिकृत पठाएको हो ।
स्थानीय तह पुनःसंरचना आयोगको प्रतिवेदन अनुसार सरकारले फागुन २७ गते ७४४ स्थानीय तह राजपत्रमा प्रकाशित गरी सार्वजनिक गरेसँगै साबिकको गाविस गाउँपालिका र नगरपालिकामा रुपान्तरण भएका हुन ।
मन्त्रालयका सहप्रवक्ता मदन कोइरालाले कुनै पनि बिलम्ब नगरी तोकिएको गाउँपालिकामा हाजिर हुन जान कार्यकारीहरुलाई निर्देशन गरिएको बताउनुभयो । उहाँका अनुसार बिलम्म गरी तोकिएको गाउँपालिकामा हाजिर हुन नगएमा निर्वाचन आयोगद्वारा जारी गरिएको निर्वाचन आचारसंहिता अनुसार कारवाही हुने जानकारी गराइएको छ । काज खटाइएको पत्र कार्यकारी अधिकृतहरूलाई हुलाकद्वारा सम्बन्धित कार्यालय पठाइनेछ ।
यसअघि सरकारले २० हजार भन्दा बढी जनसङ्ख्या भएको गाउँपालिकामा उपसचिवस्तरको कर्मचारीलाई कार्यकारी बनाउने तयारी भए पनि उक्त स्तरको कर्मचारीको अभाव भएकाले सबै गाउँपालिकामा अधिकृतस्त्तरको कर्मचारीलाई गाउँपालिकाको कार्यकारीको जिम्मेवारी प्रदान गरिएको हो । मन्त्रालय २४६ नगरपालिकामा भने आइतवारसम्ममा कार्यकारी पठाइसक्ने गरी गृहकार्य भइरहेको कोइरालाले बताउनुभयो ।

गोरखा जिल्लाको ७ गाउँपालिकामा खटीएका कार्यकारीहरुको विवरण

लेखकबाट थप:

• लकडाउन नियम उलंघन गरेपछि सेल्टिक र एबरडीनबीचको खेल स्थगित
• पारिवारीक बनमा ठकुरी
• नेपालमै बन्छ विश्वका ७० देशलाई चाहिने आँखाको लेन्स
• सबै वडामा स्वास्थ्य चौकी बनाउने योजना
• टेष्ट वरियतामा कोहली शिर्ष स्थानमा उग्लिए