कैलासबावु श्रेष्ठ/गोरखा
फागुन २८ गते । आउदो चैत्र ३ गते देखी सञ्चालनमा आउने एसईई अर्थात साबिकको एसएलसी (प्रबेशिका) परिक्षामा गोरखा जिल्ला बाट यस पटक ५ हजार भन्दा बढी बिद्यार्थीहरु सहभागी हुने भएको छ ।
जिल्ला शिक्षा कार्यालय गोरखाले दिएको जानकारी अनुसार जिल्ला भरमा २६ केन्द्रमा परिक्षा सञ्चालन हुने भएको छ । जसमा ५ हजार २ सय ७३ जना बिद्यार्थीहरु सहभागीता हुने जिल्ला शिक्षा कार्यालयका जिल्ला शिक्षा अधिकारी दिपेन्द्र सुबेदीले जानकारी दिनु भयो ।
परिक्षामा जिल्ला भरको १ सय १८ वटा बिद्यालयका परिक्षार्थीहरु सहभागी हुने छ । त्यस मध्ये पनि निजि ७ वटा र सामुदायिक बिद्यालय तर्फ १ सय ११ स्कुलमा अध्ययनरत बिद्याथीहरुको सहभागीता हुने कार्यालयले जानकारी दिएको हो ।
परिक्षाको सबै तयारी पुरा भएको छ । सुरक्षा देखी परिक्षामा खटीने केन्द्राध्यक्ष र कर्मचारीको समेत छनौट सकिएको छ । परिक्षा हुने २६ बिद्यालयको २० प्रधानाध्यापकलाई केन्द्राध्यक्ष तोकिएको छ भने ६ बिद्यालयमा योग्यता नपुगेको भन्दै योग्यता पुगेको शिक्षकलाई केन्द्राध्यक्ष तोक्ने काम समेत सम्पन्न भएको छ । उक्त बिद्यालयमा जिल्लाभरी बाट योग्यता पुगेको शिक्षकको नाम तोकिएको कार्यालयले जानाकारी गराएको छ ।
चैत्र ३ गते बाट हुने परिक्षाको सुरक्षाको लागि समेत तयारी पुरा भएको छ ।
२६ केन्द्र कुन कुन हो त ?
१) गण्डकी मावि थुमी
२) भिमोदय मावि आरुघाट
३) सुर्यज्योति मावि ताकुकोट
४) दुल्लभ मावि घ्याम्पेशाल
५) भवानी मावि ठाटीपोखरी
६) अमरज्योति जनता मावि लुईटेल
७) परोपकार आर्दश मावि जौबारी
८) महेन्द्र लिला मावि हर्मी
९) संस्कृत मावि तान्द्राङ्ग
१०) हिमालय मावि सिम्जुङ्ग
११) हिमालय मावि बारपाक
१२) भगवती मावि घैरुङ्ग
१३) ताङलीचोक मावि ताङलीचोक
१४) शहिद स्मृती मावि बुंकोट
१५) सरस्वती मावि बोर्लाङ्ग
१६) मनकामना मावि मनकामना
१७) विन्ध्याबासीनी मावि नारेश्वर
१८) महेन्द्र मावि कुन्दुर
१९) रत्नराज्य मावि बिरेनचोक
२०) सरस्वती मावि आहाले
२१) शक्ति मावि पाटेचौर
२२) महालक्ष्मी मावि लक्ष्मी बजार
२३) ज्ञानमार्ग मावि घ्याल्चोक
२४) महेन्द्र ज्योति मावि दर्बारमार्ग
२५) नव ज्योति मावि डण्डीडाडाँ
२६) मोर्डन सेकेण्डरी ईङ्गलिस बोर्डिङ्ग स्कुल अफिस यरिया
