कैलासबावु श्रेष्ठ/गोरखा
फागुन २ गते । गोरखा जिल्लाको दरबुङमा काठ तस्करलाई नियन्त्रणमा लिन प्रहरीले हवाई फायर गनु परेको छ । जिल्लाको घ्याल्चोक प्रहरी चौकी बाट खटीएको प्रहरीले अबैध सालको काठ नियन्त्रण लिने क्रममा स्थानियले अबरोध गरेको भन्दै २ राउण्ड हवाई फायर गरेको जिल्ला प्रहरी कार्यालय गोरखाले जानकारी दिएको छ ।
जिल्ला प्रहरी कार्यालय गोरखाले दिएको जानकारी अनुसार रातको ९ः४५ बजे दरर्बुङ गाउँ बिकास समिति ६ को बुढी गण्डकी किनारमा ग.१ त ३४८४ नम्बरको ट्रयाक्टरमा अबैध सालको ३६ थान अर्थात ५५.८७ क्यू फिट काठ राखी लैजाने क्रममा प्रहरीलको गस्ती टोलीले फेला पारी नियन्त्रणमा लिन खोज्दा स्थानियले अबरोध गरे पछि २ राउण्ड गोली हवाई फायर गरीको हो ।
३०३ राईफलबाट हवाई फायर गरे पछि प्रहरीले काठ सहित काठ बोक्न प्रयोग भएको ट्रयाक्टर र गोरखा फुजेल गाबिस ९ का ७५ बर्षिय लालहरी देवकोटा, सोही स्थान बस्ने बर्ष ४६ का एक प्रसाद पन्त र सोही गाबिस ८ बस्ने ट्रयाक्टर चालक धन बहादुर बरामलाई प्रहरीले नियन्त्रणमा लिएको जिल्ला प्रहरी कार्यालय गोरखाका प्रहरी नायव उपरिक्षक बिरेन्द्र थापाले जानकारी दिनु भयो ।
प्रनाउ थापाका अनुसार पक्राउ परेको ब्यक्ति र नियन्त्रणमा लिएको ट्रयाक्टरलाई धादिङ्ग जिल्ला बन कार्यालयमा पठाइएको छ । धादिङ्ग जिल्लाबाट काठ बुढी गण्डकी तारी गोरखा ल्याएकोले कारवाहीका लागि साविककै जिल्लामा चलान गरीएको थापाले बताउनु भयो ।

लेखकबाट थप:

• लकडाउन नियम उलंघन गरेपछि सेल्टिक र एबरडीनबीचको खेल स्थगित
• पारिवारीक बनमा ठकुरी
• नेपालमै बन्छ विश्वका ७० देशलाई चाहिने आँखाको लेन्स
• सबै वडामा स्वास्थ्य चौकी बनाउने योजना
• टेष्ट वरियतामा कोहली शिर्ष स्थानमा उग्लिए