कैलासबावु श्रेष्ठ/गोरखा
माघ २ गते । १९ औं राष्ट्रिय भूकम्प दिवशको अवशरमा गोरखा सदरमुकाममा आईतबार फोटो प्रर्दशनी गरीएको छ ।
जिल्ला प्रशासन कार्यालय र डिभिजन शहरी कार्यालय गोरखाको आयोजनामा भएको दिवशमा फोटो पत्रकार महासंघ गोरखा शाखाले ०७२ बैशाख १२ गते गएको बिनाशकारी भूकम्पले क्षेति पुरयाएको गोरखा जिल्लाको विभिन्न स्थानको फोटो प्रर्दशनी गरीएको थियो ।
जिल्ला बिकास समितिको प्राङ्गणमा गरीएको फोटो प्रर्दशनीमा गोरखा जिल्लाको विभिन्न स्थानको ८९ वटा फोटोहरु प्रर्दशन गरीएको थियो ।
रयाली र अन्तरक्रिया
भूकम्प दिबश मनाउने क्रममा सदरमुकामको ठुलो आँगनबाट पाटेचौर, हस्पिटल लाइन, हरमटारी हुदै जिबिस सम्म रयाली समेतको आयोजना गरीएको थियो । 
रयालीमा शसत्र प्रहरी, नेपाल प्रहरीका साथै विभिन्न संघ संस्था र सरोकारवाला सरकारी निकायका प्रतिनिधीहरुको समेत सहभागीता रहेको थियो ।
जिल्ला बिकास समिति गोरखाको सभा भवनमा भएको अन्तरक्रियामा प्रमुख जिल्ला अधिकारी जितेन्द्र बस्नेतले पहिलो चरणको रकम प्राप्त गरी सकेका घरमुलीहरुले डिपीसी लेभल सम्म काम सम्पन्न गरेको भए तत्कालै प्राविधिकहरुलाई देखाई सिफारीस लिई आएमा दोस्रो चरणको १ लाख ५० हजार रुपैयाँ दिन आफुहरु तयार रहेको जानकारी दिनु भएको थियो ।
कार्यक्रममा बोल्दै प्रजिअ बस्नेतले सबै गाबिसमा प्राविधिक टोली पुगी सकेको भन्दै अब जाढो सकिन लागेको र बर्षा याम अगावै घर निर्माण गर्ने तर्फ पिडितको ध्यान जानु पर्नेमा समेत जोड दिनु भएको थियो । प्रजिअ बस्नेतले सरकारको मुख ताकिरहनु भन्दा अब जनताले आफैले काम गरेर देखाउनु पर्ने दिन आएको समेत बताउनु भयो ।
जिल्लालाई प्राप्त १ सय २६ जना प्राविधिक मध्ये १ सय १० जनालाई परिचालन गरी सकिएको छ ।
रयाली पछि आयोजित अन्तरक्रिया कार्यक्रममा भूकम्प गएको ढेड बर्ष सम्ममा ५८ हजार ५ सय ३ घर धुरी मध्ये ५३ हजार ३ सय ४९ घर परिवार संग सम्झौता सम्पन्न गरी पहिलो किस्ता स्वरुप ५० हजार रुपैयाँ पिडितको बैंक खातामा जम्मा गरी सकिएको र १५ हजार ७ सय ४६ घर धुरीले राहत पाउनका लागि गुनासो दर्ता गराएको जानकारी गराइएको थियो ।
कार्यक्रममा शहरी विकास तथा भवन निर्माण डिभिजन कार्यालय गोरखाले हाल सम्म २ हजार ६५ घरको जग खन्ने काम भएको र १ हजार ६ सय ३० घरले डिपिसी लेबल सम्म काम सम्पन्न गरेको जानकारी गराएको थियो ।
