फाइल तस्बिर
गोपाल भण्डारी
कपिलवस्तुः कपिलवस्तुको कृष्णनगर सीमा नजिकको लक्ष्मीनगर नाकामा प्रहरीमाथि गोली प्रहार भएको छ।
बिहीबार दिउँसो चलेको गोली गोली लागेर दुईजना प्रहरी घाइते भएका छन्। गोली लागेर सीमा सुरक्षामा खटिएका प्रहरीका हवल्दारद्वय कर्णबहादुर पुन र मोहन श्रेष्ठ घाइते भएको कपिलवस्तुका प्रहरी उपरीक्षक भोजजंग शाहीले जानकारी दिए।
उनीहरु दुबैजनाको अवस्था सामान्य रहेको प्रहरीले जनाएको छ। गोली प्रहार गर्नेहरुको खोजी भइरहेको प्रहरीले जनाएको छ। गोली प्रहार गर्ने समूहको खोजीका लागि भारतीय प्रहरीको सहयोगमा नेपाल प्रहरीले अप्रेशन सुरु गरेको प्रहरी उपरीक्षक शाहीले बताए।
उनका अनुसार घटनास्थलमा एयर गणको छर्रा जस्तो देखिने गोली फेला परेको छ।
annapurnapost
