शब्द/तस्बिर : अंगद ढकाल
मंसिर १८, २०७३- चिकित्सा क्षेत्र सुधारको माग गर्दै प्रा.डा. गोविन्द केसीले अनशन थालेको शनिबार २१ दिन पुगेको छ ।
केसीको स्वास्थ्य अवस्था कमजोर हुँदै गएको छ भने उनका समर्थक भने बढ्दै गएका छन् । शनिबार केसीका समर्थकहरुले काठमाडौं माइतीघरदेखि बानेश्वरसम्म र्याली निकाले । र्यालीमा पहिलेको तुलनामा सहभागी धेरै थिए ।
१० बुँदे मागसहित अनशनमा बसेका केसीको मागअनुरुप शनिबार नै चिकित्साशास्त्र अध्ययन संस्थानको डिनमा प्रा.डा. जगदीशप्रसाद अग्रवाललाई नियुक्त गरिएको छ । सडकको दबाबले सरकार केसीको माग पूरा गराउनतिर लागेको देखिएको छ । सरकार र अनशनरत केसी समर्थकबीच शनिबारको वार्ता मिलेमा अनशन तोडिनेछ ।
ekantipur