कैलासबावु श्रेष्ठ/गोरखा
मंसिर १५ गते । उच्चतम् खाद्य असुरक्षित भएको गोरखा जिल्लाको उत्तरी गाउँ विकास समितिहरुमा अन्तराष्ट्रिय गैर सरकारी संस्था लुथ्रन वल्ड फेडेरेशनले काम गर्ने भएको छ ।
जिल्लाको सिर्दीबास, लाप्राक, गुम्दाँ, उहियाँ र काशिगाउँ गाउँ विकास समितिमा उक्त संस्थाले समुदायको आवश्यता हेरी कामका लागि खाद्यान्न कार्यक्रम सञ्चालनमा ल्याउन लागेको हो । विश्व खाद्य कार्यक्रमको खाद्यान्न सहयोगमा लुथ्रनले उक्त क्षेत्रमा समुदायको आवश्यतामा आधारीत काम गर्न लागेको हो ।
‘पहिलो चरणमा हामी कामगर्ने क्षेत्रको स्थलगत अध्ययन गर्ने छौ । समुदायको सम्पत्तीको रुपमा रहेको सिंचाई, बाटो जे जस्तो काम समुदायले चाहान्छ हामी गर्छौ’ भन्नु हुन्छ लुथ्रन वल्ड फेडेरेशन नेपालका लाइभ्ली हुड कोर्डिनेटर सुवास गुरुङ्ग । ‘हाम्रो सदमुदायमा रहेको अर्ध दक्ष कामदारहरु बाट काम गराउनु पर्ने भएका कारण पहिरो नियन्त्रण जस्ता काम पनि हामी काम गर्न सक्छौ’ गुरुङ्गको भनाई थियो ।
माघ २ गते देखी ७ गते भित्रै सम्वन्धीत क्षेत्रको अनुगमन गरेर ५ वटै गाविसमा काम थाल्ने लुथ्रनको योजना रहेको छ । स्थानिय स्तरमा नै खाद्य डिपो राखेर काम गर्न लागेको उक्त संस्थाले स्थानिय समुदायको आवश्यतालाई बिशेष महत्व दिएर काम गर्नेछ । विश्व खाद्य कार्यक्रमको ६ महिना र एनआरएन संग सम्वन्य गरेर जिविकोपार्जन कामलाई २ वर्ष सम्म जिल्लामा काम योजना लुथ्रनले बनाएको छ ।
गोरखाको उत्तरी क्षेत्रमा रहेको अधिकत गाउँ विकास समितिमा बिगत देखी नै खाद्य अभाव हुने गरेकोले जिल्ला खाद्य सुरक्षा सञ्जालको जिल्ला खाद्य सुरक्षा कार्य समूहले विश्लेषण गरी पेश गरेको प्रतिवेदनको आधारमा जिल्ला खाद्य सुरक्षा सञ्जालले निक्यौल गरेका अधिकतम खाद्य असुरक्षीत अवस्थामा रहेका ११ गाविस मध्ये ५ गाबिसमा लुथ्रनलाई काम गर्ने जिम्मा दिएको जिल्ला कृषी बिकास कार्यालय गोरखाका बरिष्ठ कृषी बिकास अधिकृत याम कुमार श्रेष्ठले बताउनु भयो ।

लेखकबाट थप:

• लकडाउन नियम उलंघन गरेपछि सेल्टिक र एबरडीनबीचको खेल स्थगित
• पारिवारीक बनमा ठकुरी
• नेपालमै बन्छ विश्वका ७० देशलाई चाहिने आँखाको लेन्स
• सबै वडामा स्वास्थ्य चौकी बनाउने योजना
• टेष्ट वरियतामा कोहली शिर्ष स्थानमा उग्लिए