कैलासबावु श्रेष्ठ/गोरखा
मंसिर ९ गते । गोरखाको मिरकोटमा रहेको त्रिवेणी माविलाई प्रार्थमिक बिद्यालय गाभेर मावि सञ्चालन गरेको ८ बर्ष सम्म पनि जिल्ला शिक्षा कार्यालय गोरखाले निमावि र मावि स्तरको शिक्षक दरबन्दी नदिदाँ विद्यालय सञ्चालनमा समस्या आउन थालेको छ ।
०६५ सालमा धुवाकोटा गाउँ विकास समिति ८ र ९ मा रहेको बाल ज्योति र जालपा देवी र मिरकोट गाउँ विकास समिति ८ मा रहेको बिरेन्द्र प्रा.वि.लाई गाभेर निर्माण भएको त्रिवेणी माध्यामिक बिद्यालयलाई हाल सम्म पनि जिल्ला शिक्षा कार्यालयले निमावि र माविको दरबन्दी नदिदा विद्यालय सञ्चालनमा समस्या आउन थालेको प्रधानाध्यापक का साथै स्कुल ब्यवस्थापन समितिका पदाधिकारीहरुले बताउनु भयो ।
बिद्यालय प्रशासन आफैल निमावि र मावि स्तरमा पढाउने गरी निजी श्रोतमा ५ जना शिक्षक भर्ना गरेको छ । उनीहरुलाई बार्षिक १३ लाख रुपैयाँ खर्च हुने भन्दै अहिले सम्म चन्दा तथा बिद्यार्थीहरुको अभिभावक संग मागेर चलाएको समाज सेवी भेजराज पाण्डेले बताउनु भयो ।
दरबन्दी अनुसार शिक्षक नभएको बिषयमा जिल्ला शिक्षा गोरखाका जिल्ला शिक्षा अधिकारी दिपेन्द्र पौडेलले जिल्ला ०५५ साल देखी शिक्षक दरबन्दीको कुनै पनि कोटा नआएको भन्दै उत्त विद्यालयलमा प्रावि स्तरमा आवश्यक भन्दा बढी शिक्षक भएको र हालै मात्र १ जना थप शिक्षक दिएको बताउनु भयो । पौडेलका अनुसार उत्त विद्यालयमा अध्यापन गराउने शिक्षकको योग्यता माथिल्लो स्तरको भएका कारण पनि निमावि र मावि स्तर सम्म सञ्चालन गर्न कुनै समस्या नभएको बताउनु भयो ।
निमावी र मावि स्तरमा दरबन्दी अनुसारको शिक्षक नभएको भएता पनि प्रावि स्तरमा भने आवश्यता भन्दा बढी शिक्षक भएको बताउदै जिशिअ पौडेलले माविमा ५ जना, निमाविमा ४ जना र प्राविमा ३ जना शिक्षक दरबन्दी हुने भएता पनि विद्यालयमा बिगत देखी नै १० जना र हालै १ जना शिक्षक दरबन्दी दिएको बताउनु भयो ।
तर विद्यालयको लागि स्तर सुधारका लागि चाइनिज संघ संस्था संग समन्वय गरी १५ देखी १६ लाख सम्मको सहयोग हुने गरी आईसिटी र गुणस्तरीय शिक्षाको लागि लगानी हुन लागेको बताउनु पौडेलले बताउनु भयो ।
पूर्वाधारको हिसाबमा ४ देखी ५ कोठा आवश्यक छ । अहिले हामी संग बजेट अभाव छ । रकम आउना साथ हामी सो बिद्यालयका बिषयमा सोच्नै छौ भन्नु हुन्छ जिल्ला शिक्षा अधिकारी पौडेल ।

०६५ सालमा स्कुल गाभिदा प्रावि स्तरमा अध्ययापन गराउने १० जना शिक्षकले नै हाल सम्म मावि स्तरका विद्यार्थीहरुलाई अध्यायपन गराउदै आएको छ ।
सो विद्यालयमा हाल च्याङ्गली–१, मिरकोट–८ र ९, धुवाकोट–८ र ९ र गाईखुर–६ बाट अध्ययनका लागि आउने गरेको छ । विद्यालयका ४ सय २० जनाले अध्ययन गर्दै गरेको छ ।

बिद्यालयलाई कक्षा कोठा अभाव हुदा अहिले पनि दैनिक कुनै न कुनै कक्षाका बिद्यार्थीहरुलाई अस्थायी टहरोमा पढाउदै आएको छ । उता कक्षा कोठा अभावकै कारण कम्प्यूटर र लाईब्रेरी एउटै कोठामा सञ्चालन गर्दै आएको छ । क्षाका बिद्यार्थीहरुलाई अस्थायी टहरोमा पढाउदै आएको छ ।

लेखकबाट थप:

• लकडाउन नियम उलंघन गरेपछि सेल्टिक र एबरडीनबीचको खेल स्थगित
• पारिवारीक बनमा ठकुरी
• नेपालमै बन्छ विश्वका ७० देशलाई चाहिने आँखाको लेन्स
• सबै वडामा स्वास्थ्य चौकी बनाउने योजना
• टेष्ट वरियतामा कोहली शिर्ष स्थानमा उग्लिए