काठमाडौँ: मङ्गलबारदेखि जङ्गीअड्डामा जारी सैनिक उच्च अधिकारीको बैठक सम्पन्न भएको छ । प्रधान सेनापति, पिएसओज रथीबृन्द तथा पृतनापति सम्मिलित दुई दिने पृतनापति समन्वयात्मक बैठक बुधबार सम्पन्न भएको हो ।

बैठकमा सहभागी जर्नेललाई प्रधान सेनापति राजेन्द्र क्षत्रीले हरहमेसा तयारी रहन दिर्नेशन दिएका छन् । मंगलबारबाट सुरु भएको बैठकको समापन सत्रमा बोल्दै प्रधान सेनापति क्षत्रीले यस्तो निर्देशन दिएका हुन् ।

सेनापति क्षत्रीले विद्यमान परिस्थितिको मूल्याङ्कन गरी आउन सक्ने जस्तोसुकै चुनौतीको सामना गर्न सक्ने गरी अपरेसनल, तालिम तथा बन्दोबस्ती पक्षमा हरहमेसा तयारी रहन निर्देशन दिएको सैनिक जनसम्पर्क निर्देशनालयले जनाएको छ ।

बैठकका क्रममा सहभागी कार्यालय, विभाग, महानिर्देशनालय, निर्देशनालय तथा सबै पृतनाहरुले आ–आप्mनो जिम्मेवारी क्षेत्रको कार्य समीक्षा, वर्तमान वस्तुस्थिति, भविष्यमा आइपर्न सक्ने चुनौती एवम् सुझावको सम्बन्धमा प्रस्तुतीकरण गरेका थिए ।

बैठकको प्रारम्भिक सत्रमा मंगलबार रक्षामन्त्री बालकृष्ण खाँण प्रमुख अतिथिको रुपमा उपस्थित थिए । मन्त्री खाँडले उद्घाटन सत्रलाई सम्बोधन गर्दै नेपाली सेनाले विश्व शान्तिका लागि पुर्‍याएको योगदान अतुलनीय रहेको र विश्व समुदायबाट समेत यस कार्यको प्रशंसा हुँदै आएको उल्लेख गरेका थिए ।

दुई दिनसम्म चलेको बैठकमा समसामयिक वस्तुस्थितिको पुनरावलोकन तथा मूल्याङ्कनसमेत भएको निर्देशनालयले जनाएको छ ।

annapurnapost