१२ घर जलेर पुर्णरुपमा नष्ट भएको प्रहरीले जनाएको छ  ।  मानविय क्षती नभएपनि पशु चौपाया, सुनपसल, व्यापारिक लत्ताकपडा ,अन्नपात लगायत करोडौंको धनमाल जलेर नष्टभएको प्रारम्भिक जानकारी प्राप्त भएको छ ।

एक्कासी फैलिएको आगो प्रहरी, सेना, सशस्त्र प्रहरी, स्थानीयले मिलेर २ घण्टामा नियन्त्रणमा आएको थियो । आगो नियन्त्रणकालागि दमकल र डोजर प्रयोग गरिएको थियो ।

खाना पकाउने सिलिन्डर ग्यास, आगजनीका सामाग्रीले गर्दा आगो निभाउन हम्मेहम्मे परेको थियो । आगलागीले गर्दा बजारबासी आतकिंत बनेर भागदौड मच्चिएको थियो । प्रहरीले रात परिसकेकाले विस्तृत जानकारी भोली बिहान आउने जनाएको छ ।

…

भोजपुर बजारमा आइतबार अपरान्हदेखि भीषण आगलागी भएको छ । अहिलेसम्म आगलागी नियन्त्रणमा आउन सकेको छैन ।

आज अपरान्ह साढे चार बजेदेखि भोजपुर बजारको भोटेपसल लाइनमा लागेको आगलागीले अहिलेसम्म तीनघर पूर्ण रुपमा जलेको छ । बजारमा घनाबस्ती रहेकोले आगो निभाउन कठिनाइ भइरहेको भोजपुर प्रहरीले जनाएको छ ।

अहिले नेपाली सेना, नेपाल प्रहरी, सशस्त्र प्रहरी र स्थानीयबासी आगलागी नियन्त्रणमा जुटिरहेका छन् । आगलागी नियन्त्रणको लागि एउटा दमकल र एउटा डोजर परिचालन गरिएको छ ।

कहाँबाट आगलागी सुरु भयो र अहिलेसम्म कति भौतिक क्षति भयो तथ्याङ्क आइसकेको छैन ।

घर-घरमा ग्यास सिलिन्डर रहेकोले आगो नियन्त्रणको लागि कठिनाइ भएको उद्धारमा खटिएका प्रहीले जनाएका छन् । सिलिन्डर पड्कने डरले स्थानीयहरु त्रसित छन् । आगलागी भएको ठाउँ वरपरका स्थानीयहरु टुँडिखेलमा उपस्थित भएका छन् ।