काठमाडौँ, मङ्सिर ३ गते । नेपाल टेलिकमले बिलिङ सिस्टम परिवर्तन गर्नुपर्ने भएकोले शुक्रबार रातिदेखि शनिबारसम्म मोवाईल सेवा अवरूद्ध हुने जनाएको छ ।
टेलिकमले शुक्रबार जारी गरेको सूचनामा कम्पनीको जीएसएम पोष्टपेड मोबाइल सेवालाइ कन्भर्जेन्ट रियल टाइम बिलिङ सिस्टममा स्तानान्तरण गरिने हुँदा मङ्सिर ३ गते शुक्रबार रातीदेखि ४ गते शनिवार ४ गतेसम्म जीएसएम तथा सिडिएमए सेवाका भ्वाइस, एसएमएस, वाइम्याक्स सेवा र रिचार्ज सेवा अवरूद्ध हुनसक्ने जनाइएको छ ।
साथै टेलिकमले मङ्सिर ४ गते शनिवार कम्पनीका सम्पूर्ण विल भुक्तानी र सिम/रिम कार्ड एक्टीभेसन लगायतका कार्य समेत बन्द रहने जनाएको छ ।
टेलिकमले बिलिङ सिस्टम परिवर्तनबाट आफ्ना सेवा प्रभावित हुने हुँदा उक्त असरप्रति टेलिकमले ग्राहकसँग क्षमाचना गरेको छ ।
gorkhasamachar