कैलासबावु श्रेष्ठ/गोरखा
मंसिर २ गते । ०७२ साल बैशाख १२ गते गएको बिनाशकारी भूकम्प पछि गोरखा जिल्लामा आएको गैर सरकारी संस्थाहरुले भूकम्प पिडितको नाममा ४ अरर्ब भन्दा बढी रकम खर्च भएको सार्वजनिक भएको छ ।
गैर सरकारी संस्थाहरुले भूकम्पको नाममा ४ अरर्ब ७ करोड ५४ लाख २३ हजार १ सय ५२ रुपैयाँ खर्च भएको कुरा जिल्ला बिकास समिति गोरखाले आयोजना गरेको बार्षिक प्रगति समिक्षा गोष्ठीका क्रममा जिल्ला बिकास समिति गोरखाले सार्वजनिक गरेको हो । यो केवल जिल्ला भित्र काम गर्न आएका मध्ये ४४ संघ संस्थाको मात्र खर्च विवरण हो । जिल्ला मा १ सय भन्दा बढी राष्ट्रिय तथा अन्तराष्ट्रिय संघ संस्थाहरुले भूकम्प पछि विभिन्न बहानामा काम गर्दै आएको छ ।
भूकम्प पछि जिल्लामा काम गर्दै आएको सबै संघ संस्थाले अपारदर्शीरुपमा खर्च गर्दै आएको छ । विवरण सार्वजनिक गर्न जिल्ला मा क्रियाशिल पत्रकारहरुले पटक पटक आग्रह गर्दा पनि उनीहरुले खर्चको विवरण सार्वजनिक गर्न मानि रहेका छैनन । जिल्ला विकास समिति दिएको जानकारी अनुसार यो विवरण सही भने होइन । केही बर्ष देखी काम गर्दै आएको संघ संस्था तथा विदेशी संस्थाले स्थानिय संघ संस्था संग समन्वय गरेर काम गरी रहेका कारण सत्य तथ्य खर्च उपलब्ध गराउन आग्रह गरीएको भएता पनि अटेर गरी रहेको जानकारी दिएको छ ।
कार्यालय श्रोतका अनुसार काम थोरै गरेर बढी खर्च देखाउने तथा दोहोरो खर्च देखाउने प्रबृति समेत देखीएका कारण यो खर्च बास्तवीक होइन । बास्तवीक खर्च यो भन्दा निकै कम हुन सक्ने अनुमान श्रोतको छ ।
यसै बिच भूकम्प पछि मात्रै युनिसेफले ७२ करोड ९६ लाख रुपैया खर्च गरेको देखिएको छ भने निकै बिवादास्पद देखीएको सिआरएस नामक संस्थाले ६० करोड ८२ लाख रुपैया खर्च गरेको जिविसको तथ्याङ्कमा उल्लेख गरीएको छ ।
भूकम्प भन्दा अगाडी देखी नै काम गर्दै आएको कारीतास नेपालले भने ५४ करोड, अक्सफाम नामक संस्थाले ४० करोड रुपैया र इको नेपालले १७ करोड ८७ लाख खर्च गरेको भन्दै जिल्ला बिकास समितिले आफ्नो कार्यक्रममा उत्त संस्थाले खर्च गरेको खर्च विवरण सार्वजनिक गरेको थियो । भूकम्प लगत्तै क्रिश्चियन धर्म प्रचारमा निकै ध्यान दिएको वल्र्ड भिजनले १५ करोड ४८ लाख खर्च गरेको छ भने सेभ द चिल्ड्रेनले २२ करोड ८४ लाख, आइएनएफ नेपालले २४ करोड १५ लाख र गोरेटो गोरखाले १५ करोड २९ लाख रुपैया खर्च गरेको विवरण जिबिसले सार्वजनिक गरेको हो
धेरै खर्च गर्ने संस्था संगै सबै भन्दा थोरै खर्च गर्ने संस्था पनि छ । जसले केबल ४ लाख ९८ हजार मात्र खर्च गरेको देखाइएको छ । उत्त संस्था हेल्थ फर लाइफ भएको जिल्ला बिसका समितिले जानकारी गराएको थियो ।
केही समय यता भने जिल्ला बिकास समितिको स्विकृती बेगर प्रभावित क्षेत्रमा काम गर्न नपाउने भए पछि आ.ब. ०७३/०७४ मा १८ संस्थाले मात्र कामलाई निरञ्तरता दिदै आएको छ ।

लेखकबाट थप:

• लकडाउन नियम उलंघन गरेपछि सेल्टिक र एबरडीनबीचको खेल स्थगित
• पारिवारीक बनमा ठकुरी
• नेपालमै बन्छ विश्वका ७० देशलाई चाहिने आँखाको लेन्स
• सबै वडामा स्वास्थ्य चौकी बनाउने योजना
• टेष्ट वरियतामा कोहली शिर्ष स्थानमा उग्लिए