काठमाडौ : चीनले अघि बढाएको ‘वान बेल्ट वान रोड’ अवधारणाबारे नेपाल सरकारको ठोस धारणा बुझ्न चीनको एक सरकारी प्रतिनिधीमण्डल नेपाल भ्रमणमा आएको छ।

चीनले आफू र एसिया, युरोप र अफ्रिकाबीच सडकपूर्वाधार, रेलमार्ग र समुद्री पूर्वाधारको विकासबाट आर्थिक प्रगति हासिल गर्ने मुख्य लक्ष्य सहित अघि बढाएको उक्त अवधारणाबारे नेपाल सरकारको धारणा मागेको छ।

चिनियाँ राष्ट्रपति सि जिनपिङ्ले सन् २०१३ मा अघि सारेको यस अवधारणा अन्र्तगत ‘सिल्क रोड इकोनोमिक बेल्ट’ र ‘एक्काइसौँ सताब्दिको सामुद्रिक सिल्क रोड’ गरी दुई भाग छन् । नेपालले सिल्क रोड इकोनोमिक बेल्टमा सहभागिता जनाउन सहमति जनाइसकेको छ । नेपालले चीनको सिल्क रोड अवधारणामा सहभागि हुनका लागि दुई बर्ष यस संबन्धमा चीनसंग एक सझदारीपत्रमा हस्ताक्षर गरेको थियो
।
पूर्व प्रधानमन्त्री केपी शर्मा ओलीको कार्यकालमा चीनको यस अवधारणामा सक्रिय सहभागि हुने प्रतिबद्दता नेपाल सरकारले जनाएको थियो । तर वर्तमान सरकार यस अवधारणा प्रति सकारात्मक नदेखिएको जानकार कुटनीतिक स्रोत बताउँछ । यस अवधारणाप्रति नेपालले स्पस्ट जवाफ दिन नसकेकै कारण चिनियाँ राष्ट्रपति सि जिन पिङ्को गत असोज अन्तिम हप्ताका लागि हुने भनिएको नेपाल भ्रमण रद्द भएको स्रोतको भनाई छ ।

नेपाल भ्रमणमा रहेको चिनियाँ प्रतिनिधीमण्डलले वाणिज्यमन्त्री रोमी गौचन थकालीसँग भेटवार्ता गरी चिनियाँ राष्ट्रपति सि जिन पिङ्को अग्रसरतामा शुरु भएको उक्त अवधारणाबाट नेपाल लगायत यस क्षेत्रका सबै मुलुकले लाभ लिनसक्ने बताएको थियो ।

प्रतिनिधीमण्डलले वान रोड वान बेल्ट अवधारणाबाट समग्र क्षेत्रको कनेक्टिभिटी बढाउन तथा चीन र नेपाल लगायत सार्क मुलुकहरुबीचको आर्थिक विकासमा महत्वपूर्ण टेवा पुर्‍याउने बताएको थियो । भेटमा वाणिज्यमन्त्री थकालीले नेपाल र चीन सदियौँदेखि घनिस्ट मित्रका रुपमा रहेका र दुवैले एक अर्काको भलाई र हित हुने गरी आपसि व्यावहार र सहयोग गरिरहेको बताएको वाणिज्यमन्त्रालयले प्रेस विज्ञप्तिमा जनाएको छ ।

भेटमा मन्त्री थकालीले वान रोड वान बेल्ट अवधारणाको उच्च सराहान गरेका थिए । ‘यस अवधारणाबाट यस क्षेत्रका सबै छिमेकी देशहरुसँग सुदृढ र सबल कनेक्टिभिटी कायम भई नेपालको आर्थिक विकासमा यसले महत्वपूर्ण योगदान पु¥याउने मन्त्रीज्यूले विश्वास ब्यक्त गर्नुभयो’ मन्त्रालयले विज्ञप्तिमा भनेको छ ।

साथै नेपाल र चीनको आपसी आर्थिक एकीकरण, समन्वय र सहयोग मार्फत नेपालको उच्च सम्भावना भएका जलबिद्दुत, पर्यटन, जडिबुटी, कृषि लगायतका क्षेत्रमा विकास गर्न सकिने विचार थकालीले ब्यक्त गरेका थिए ।

मन्त्री थकालीले चीनको लगानी र प्रविधि मार्फत नेपालका सम्भावनाको उचित प्रस्फुटन एवं विकास र प्रबद्र्धन गरी देशमा आर्थिक समृद्धि हासिल गर्नमा समेत यसले योगदान गर्ने विश्वास व्यक्त गर्दै नेपालका यी क्षेत्रहरुमा चीनको लगानी र प्रविधिलाई उच्च सम्मान सहीत स्वागत गरिने धारणा राखेका थिए । उक्त चिनियाँ प्रतिनिधीमण्डलले नेपाल सरकारका उच्च अधिकारीहरु र राजनीतिक दलका नेतासँग पनि भेट्ने बताइएको छ ।

nnapurnapost