कैलासबावु श्रेष्ठ/गोरखा
कार्तिक ३० गते । गोरखा जिल्लाको ताङलीचोक, घैरुङ्ग र फुजेलमा गाउँ बिकास समितिमा एक गाउँ एक उत्पादन कार्यक्रमको अनुसरण गर्न थालीएको छ । जस अनुसार अहिले किसानहरुले आलु, मकै, केरा, सुन्तला, तरकारी, लप्सी, मौरी तथा च्याउ जस्ता बस्तुहरु उत्पादन गर्दै आएका छन । 
जिल्ला कृषी बिकास कार्यालय गोरखाको ताङलीचोकमा रहेको सेवा केन्द्रले किसानहरुलाई एक गाउँ एक उत्पादन गर्न प्रोत्साहित गरे पछि भिन्न भिन्न गाउँमा भिन्न भिन्न बस्तुहरु उत्पादन गर्दै आएउन थालीएको हो । सेवा केन्द्रका प्रमुख बिजय पौडेलका अनुसार अहिले घैरुङ्ग गाबिसको दार्चे गाउँलाई केरा गाउँ भनेर चिनिन थालेको बताउनु हुन्छ । पौडेलका अनुसार दार्चे गाउँमा ३ हजार २ सय बोट खेरा खेती गरेर उत्त गाउँलाई किसानहरुले केरा गाउँको उपनाम दिन थालेका हुन ।
त्यस्तै गरी फुजेल गाबिसको कौदीलाई मकै गाउँ भनेर चिनाइएको छ । २० रोपनी क्षेत्रफलमा मकै लगाएर किसानहरुले आफ्नो गाउँलाई मकै गाउँको उपनाम दिएका हुन । मकै गाउँबाट बिज उत्पादन गरी बिक्री गर्ने लक्ष्य किसानले राखेका छन । यता ताङलीचोक गाबिसको ६ गाउँमा पनि किसानहरुले फरक फरक खेती गरी गाउँलाई फरक हिसाबले चिनाउने प्रयत्न गरी रहेको छ ।
ताङलीचोक गाबिसको याङदीलाई सुन्तला गाउँको उपनाम राखीएको छ । यो गाउँमा बिगत देखी नै सुन्तला उत्पादन हुदै आएको भएता पनि यसैलाई किसानहरुले निरञ्तरता दिएर थप क्षेत्रमा समेत सुन्तला खेती विस्तार गरी गाउँको नाम नै सुन्तला गाउँ राखीएको छ । ताङलीचोकको याङदी क्षेत्रमा मात्रै अहिले किसानहरुले ६० भन्दा बढी हेक्टर जमिनमा सुन्तला खेती गरी रहेका छन ।
ताङलीचोक कै खरीस्वाराँ गाउँमा २२ घर किसान छन । सबै किसानहरुले घर घरमा प्लाटिक टनेल निर्माण गरेर तरकारी उत्पादन थालेका छन । सेवा केन्द्रले दिएको जानकारी अनुसार अहिले उक्त गाउँमा गोलभेडा, काउली, बन्दा जस्ता तरकारी खेती गरी किसानले मनग्य आम्दानी लिन सफल भएका छन । उत्पादीत सबै तरकारी किसान आफैले चितवनको मुग्लीन र कुरीनटार बजारमा बेच्दै आएका छन । यहाँ किसानले बेमौसमी तरकारी उत्पादन गरेर बढी आम्दानी लिन थालेका छन ।
यता ताङलीचोककै सार्दीखोला भन्ने गाउँलाई आलु गाउँ भनेर नाम दिइएको छ । जहाँका किसानहरुले यस पटक ८ रोपनी जमिनमा आलु खेती गरेर ८० टन आलु उत्पादन गरेका थिए । उक्त क्षेत्रमा जनकदेव र एम नामक आलु उत्पादन गरीएको थियो ।
ताङलीचोकमा रहेको अर्को गाउँको नाम हो लप्सी गाउँ । घ्याप्रीङगाउँलाई लम्सी गाउँ नाम दिईएको हो । उत्त क्षेत्रमा रहेका किसानहरुले गत बर्ष ३ सय लप्सीको बेर्ना लगाएका थिए भने यो बर्ष १ हजार लप्सीका बेना बारीमा लगाएर गाउँलाई लप्सी गाउँ उपनाम राखेका हुन ।
उता ताङलीचोककै भलाय डाडाँलाई मौरी गाउँ नाम राखीएको छ । प्रत्येक घरमा मौरीको घर राखेर पालीएकोले सेवा केन्द्रले उत्त गाउँलाई मौरी गाउँ भनेर बाहिर चिनाएको हो । ७० घार मौरी बाट शुरु भएको यो गाउँको मौरी पालनलाई सहयोग गर्न जिल्ला कृषी बिकास कार्यालय गोरखाले यो बर्ष ३० घार मौरी सहयोग उपलब्ध गराउने भएको जिल्ला कृषी बिकास कार्यालयका बरिष्ठ कृषी बिकास अधिकृत याम कुमार श्रेष्ठले जानकारी दिनु भयो ।
सामान्य पनि एक मौरीको घार बाट एक वर्षमा ५ के.जी. भन्दा बढी मह उत्पादन हुने गर्दछ ।
त्यस्तै गरी ताङलीचोकक बतासे डाडाँलाई च्याउँ गाउँ राखीएको छ । यसै बर्ष देखी उत्पादन थालीने यो गाउँमा तालिम तथा आवश्यक सामाग्री बितरण तथा च्याउँ घर बनाउने कामलाई तिब्रता दिइएको छ ।
फोटो श्रोत गुगल