कैलासबावु श्रेष्ठ/गोरखा
कार्तिक २८ गते । गोरखाको ताङलीचोकमा यस बर्ष पनि सुन्तला महोत्सव हुने भएको छ । सुन्तला उत्पादनमा अग्र स्थानमा रहेको यो क्षेत्रले गएको बर्ष देखी सुन्तला महोत्सवको आयोजना गर्दै आएको छ ।
मंसिार ११ र १२ गते ‘दोस्रो सुन्तला महोत्सव एवं कृषी मेला प्रर्दशनी’ हुन लागेको हो । ताङलीचोक गाउँ बिकास समितिको याङ्गदीमा हुन लागेको उत्त महोत्सब सुन्तला उत्पादक कृषी सहकारी संस्थाले आयोजना गरेको हो । 
गोरखा सदरमुकाम संग जोडिएको उत्त गाउँमा पनि स्वादिला सुन्तला उत्पादन हुदै आएको छ । सुन्तला किसानको प्रोत्साहनका लागि आयोजना गरीन लागेको उत्त महोत्सवमा कृषी बिकास कार्यालय गोरखाको पनि सहयोग हुने जिल्ला कृषी बिकास कार्यालय गोरखाका बरिष्ठ कृषी बिकास अधिकृत याम कुमार श्रेष्ठले जानकारी दिनुभयो ।
उक्त क्षेत्रमा अहिले किसानहरुले १ सय ६५ हेक्टन जमिनमा सुन्तला खेती गर्दै आएको छ । उत्पादीत सुन्तला सहकारी मार्फत राजधानी, चितवन र पोखरा तथा देशको बिभिन्न शहरमा बिक्री गर्दै आएको सहकारीका अध्यक्ष ढिल बहादुर रानाले बताउनु भयो ।
ताङलीचोक गाबिसमा मात्रै ५० हजार भन्दा बढी सुन्तलाको बोट रहेको भन्दै रानाले गएको बर्ष १ करोड ३७ लाखको सुन्तला बिक्री भएको बताउनु भयो । सहकारीले सुन्तला संकलन र बिक्री बापत प्रति के.जी. रु १ लिदै आएको छ ।
सहकारीमा अहिले १ सय ३९ जना किसान आबद्व छन । उनीहरुले नियमीत रुपमा उत्पादीत सुन्तला सहकारीलाई बिक्री गर्दै आएको छ । गोरखा जिल्लामा नै पहिलो पटक सुन्तलाको श्रेणी निर्धारण गरी सुन्तला बजारमा बिक्री गर्ने पहिलो सहकारी यही हो ।
यो क्रम यो बर्ष पनी जारी रहने सहरकारीले जानकारी गराएको छ । सुन्तला ग्रेडिङ्ग गर्दा किसान र ब्यापारी तथा उपभोत्ता सबैलाई फाइदा हुने भएकोले यस्तो गर्दै आएको अध्यक्ष रानाले बताउनु भयो । ग्रेडिङ्ग गरीएका सुन्तला गत बर्ष सहकारीले १४ रुपैयाँ देखी ७० रुपैयाँ सम्म बिक्री गरेको यियो ।
सुन्तला महोत्सवले किसानलाई दुई दिनमा सुन्तला उत्पादन, महत्व र बिक्रीका लागि प्रोत्साहित गर्ने भन्दै महोत्सवमा सहभागी भै दिन सर्व साधारण र ब्यापारीलाई अनुरोध गनु हुन्छ जिल्ला कृषी बिकास कार्यालय ताङलीचोकमा रहेको सेवा केन्द्रका प्रमुख बिजय पौडेल ।
सोही क्षेत्रमा स्वास्थ्य सुन्तला उत्पादनका लागि किसानले ग्रिन हाउसमा बेर्ना उत्पादन समेत गर्दै आएको छ ।