कैलासबावु श्रेष्ठ/गोरखा
कार्तिक २६ गते । शाह वंशिय उदगम थलो एवं नेपाल राज्य एकिरणमा महत्वपूर्ण भूमिका निर्वाह गरेको जिल्ला गोरखा । अथवा ठुला ठुला राजनैतिक दलका ठुला ठुला नेताहरुको जिल्ला गोरखा ?
राजनैतिक पहुच देखी देशको विकासे अडमा ठुला हाकिमसाबहरु गोरखा जिल्लाकै भएको पाइन्छ । तर ०४१ सालमा तनहुँको आँबुखैरेनी देखी गोरखा बजार सम्म जोडीएको पक्की सड्क भन्दा एक तान्द्रा पनि लम्बीन सकेको छैन ।
चितवनमा जन्मीएको कर्म थलो गोरखा बनाएको माओवादीका उच्च ब्यत्तित्व एवं हालका प्रधानमन्त्री पुष्प कमल दाहाल होस वा अर्थ मन्त्रि देखी प्रधानमन्त्री सम्म हुदाँ वाहवाह लुटेका डा.बावुराम भट्टराई । पञ्चायतमा राजालाई समेत चोर औला देखाउ सक्ने राजेश्वर होस वा समाज सेवामा विश्वभर कहलीएका प.नारायण प्रसाद पोखरेल । स्वास्थ्य क्षेत्रमा नै कहलीएका डा.उपेन्द्र देवकोटा हुन वा राष्ट्रिय योजना आयोगका पूव उपाध्यक्ष दिनेश चन्द्र देवकोटा ।
पदमा नहुदाँ विकासलको मुहानै फुटाउने प्रतिवद्वता गर्न सक्ने तर पदमा पुगे पछि निहुरी मुन्टी न लगाउनाले गोरखाको बिकासमा खासै प्रभाव पार्न सकेनन् । अनि राजधानी देखी ३ घण्टाको दुरीमा रहेको गोरखामा ।
प्रसंग बदलौ, गोरखा जिल्लाको धेरै जसो गाउँमा जाने कच्ची सड्क नभएको खासै कुनै गाउँ होला ? तर भएका सबै कच्ची सड्क हिउदमा जसो तसो चले पनि बर्षामा भने हात लाग्यो शुन्य नै हो ।
२ दशक भन्दा अगाडी देखी गोरखा सदरमुकाम देखी उत्तरी क्षेत्रलाई प्रभाव पार्ने गरी खनीएको गोरखा–आरुघाट सड्कमा अबौं रुपैयाँ पोखीयो होला तर पनि सड्कको स्तर उन्नती हुन सकेन । 
बर्षेनी जिल्ला बिकास समितिले हाल्ने करोडौं बजेट र विदेशी दातृ निकायले दिने डलर पनि धुलो माटो संग संगै उड्ने गर्दछ । उता सडक कार्यालयले हाल्ने पैसाको कुनै लेखा जोखा नै छैन । सडक कार्यालयले बनाउने सडक गोरखामा हाकीम देखी प्राविधिक कर्मचारी र ठेकेदारको मिलोमतोमा सामान्य खाण्डल पुरेर हुन्छ कि आखाँको छारो हालेर आज बनाएको पर्खाल भोली नै भत्कने खालको निर्माण गरेर हुन्छ सबै पैसा झ्वाम हुने गर्दछ । 
आउनुहोस गोरखा बजार देखी ताप्लेको आहाले सम्म जाने बाटोको दुरदशा हेरौं । त्यस पछि आफै थाहा पाउनु हुने छ त्यो भन्दा पनि उताको बाटो कस्तो होला भनेर ? अब भ्रष्ट्राचार बिरुद्व आवाज सहित कारवाही नै गर्ने दिन ढिला हुन थाल्यो कि त ?
