कैलासबावु श्रेष्ठ/गोरखा
कार्तिक २५ गते । जिल्ला कृषी बिकास कार्यालय गोरखाले आर्थिक बर्ष ०७३/०७४ मा गोरखा जिल्लाको विभिन्न गाउँ बिकास समितिमा सुन्तला बगैचा सुद्वढिकरण कार्यक्रम लागु गर्ने भएको छ ।
सुन्तलाको लागि निकै ख्याती कमाउदै आएको गोरखा जिल्लामा यो कार्यक्रम लागु भएको यो सहित ४ बर्ष हुने छ । ९ सय ९३ हेक्टर जमिनमा रहेको सुन्तलाको बगैचामा विभिन्न कारणले रोग लागि सुन्तलाको बोट मर्ने क्रम तिब्रहुन थाले पछि नेपाल सरकारले सुत्लता बगैचा सुधार कार्यक्रम अन्तरर्गत सुद्वढिकरण कार्यक्रम ल्याएको थियो ।
गोरखाको मनकामनामा हरेको सुन्तला बगैचा
सुन्तलाकै लागि ख्याती कमाएको मनकामना गाउँ बिकास समितिमा सुद्वढिकरण कार्यक्रम अन्तरर्गत ३० हेक्टरमा यो कार्यक्रम लागु गरीएको छ भने ताङलीचोक गाबिसमा १५ हेक्टर र नारेश्वर, ताक्लुङ र देउराली गाबिसमा ५/५ हेक्टर जमिनमा विगत ३ बर्ष देखी सुधारको कार्यक्रम गरीदै आएको जिल्ला कृषी बिकास कार्यालय बागबानी अधिकृत विरेन्द्र धितालले जानकारी दिनु भयो । 
यसै बिच कार्यालयले बुधवार सुन्तला किसान तथा संकलन तथा बिक्री गर्ने सहकारी बिच एक अन्तरक्रिया कार्यक्रम सम्पन्न गरेको छ । छलफलमा सहभागी सबैले बगैचा सुधार कार्यक्रम बाट फाइदा भएको भन्दै कार्यक्रमलाई बिस्तार गनु पर्नेमा जोडदिएका थिए ।
बगैचा सुधार कार्यक्रम पछि उत्पादनमा १० प्रतिशतले बृद्वि भएको जिल्ला कृषी बिकास कार्यालयको रेकडमा रहेको बरिष्ठ कृषी बिकास अधिकृत याम कुमार श्रेष्ठले जानकारी दिनु भयो ।
गोरखामो उत्पादन भएको सुन्तला राजधानी, चितवन र पोखराका साथै देशको विभिन्न भागमा जाने गर्दछ ।
गत बर्ष सम्म बगैचा सुधारका लागि प्रति हेक्टर ५० हजार रुपैयाँ उपलब्ध गराउदै आएको नेपाल सरकारले यो बर्ष बाट भने प्रति हेक्टर २५ हजार रुपैयाँ मात्र उपलब्ध गराउने भएको छ ।
गोेरखाको मनकामना, ताङलीचोक, ताक्लुङ, ताप्ले, नारेश्वर, देउराली तथा धुवाकोट गाबिसलाई सुन्तलाको लागि पकेट क्षेत्र मानिदै आएको छ ।
