कैलासबावु श्रेष्ठ/गोरखा
कार्तिक २२ गते । पेटको को बोसो घटाउनकै लागि मासिन अनेक तरहको उपायहरु गर्दछन । धेरै कसरत गर्ने र खाना घटाउने सम्मको काम गरी रहेका हुन्छौ हामी तर पनि पेटको बोसो घट्दैन । स्वास्थ्य बिज्ञानले पेटको बोसो बढ्नुमा हामी आफैले अपनाएको जिवन शैली हुन सक्ने अनुमान गरीएको छ ।
पेटमा जमेको बोसो शरिमा बढेको वजन भन्दा पनि खतरनाक मानिदै आएको छ । पेटमा भएको बोसोकै कारण मानिसलाई धेरै रोगको कारण हुन सक्छ । हृदयघात, दोस्रो दर्जाको मधुमेह, उच्च रक्तचापका साथै कोलस्टोर बढनुका साथै साँस फेर्नमा समस्या हुने सम्मको रोग निम्ताउने गर्दछ ।
हामीले अपनाई रहेको जिवन शैलीलाई परिवर्तन गरेर पेटको बोसो कम गर्न सकिन्छ ।
समयमा खाना खाने
केही बर्ष यता हामीले कामका कारण खाना समयमा खाने बानि छाडी सक्यौ । समयमा खाना नखानाले शरिरमा मेटाबोलिजम प्रक्रिया कम भए पछि कम केलोरी खपत गर्नाले पनि पेटमा बोसो बढेको हुन सक्छ । त्यसैले आजै देखी नियमीत रुपमा समयमा खाना खाने गरौ ।
साथै रातीको समयमा हामी खाना खाने वित्तिकै सुत्ने गर्दछौ । त्यो शरिरको लागि घातक सिद्व हो । खाना खाने वित्तिकै सुत्नाले शरिरको वजन बढनुका साथै निदाए पछि शरिरमा भएको बोसोलाई एनर्जीको रुपमा प्रयोग गर्न नसक्दा पेटमा बोसो लाग्ने गर्दछ । त्यस्तो बानी आजै देखी त्यगौं ।
धेरै रक्सी खानु खतरा
कयौ अध्ययनमा पाईएको छ कि, धेरै रक्सी खानाले पेटमा बोसो जम्मा हुने गर्दछ । धेरै रक्सी सेवन गर्नेहरुलाई धेरै भोक लाग्ने हुदाँ धेरै खानाले पेटमा बोसो लाग्ने गर्दछ ।
बिहान नास्ता खाने गरौं
प्राय जसो हामी बिहान चिया खाएर खाली पेट राखेर बिहानको खाना खाने गर्दछौ । त्यसो गर्दा शरिरमा मेटाबोलिजम प्रक्रिया कम भए पछि कम केलोरी खपत गर्नाले पनि पेटमा बोसो बढेको हुन सक्छ । त्यसैले बिहान खाली पेट भन्दा पनि सामान्य नास्ता गनु उपयुत्त हो ।
मस्तले सुत्नुहोस
कयौ अध्ययनहरुले मानिसहरु कम सुत्ने र धेरै काम गर्ने गरेको पाइएको छ । जसका कारण पनि पेटमा बोसो बढने गरेको तथ्य फेला परेको छ । सामान्य पनि दैनिक ८ घण्टा सम्म नसुत्ने मानिसको शरिरमा घ्रेलिन नामको हार्मोन निस्कन्छ र भोक लाग्ने गर्दछ । त्यसैले मस्त सुत्नुहोस ।मस्तसंग सुत्नाले मुटु रोगबाट समेत बच्न सकिन्छ ।
