कैलासबावु श्रेष्ठ/गोरखा
कार्तिक १८ गते । चितवनमा स्क्रबटाईफस र डेंगु अझै नियन्त्रणमा आउन सकेको छैन । सक्रमण नघट्दा जनजीवन त्रसित बन्दै गएको छ । मौसम परिवर्तनसगै ज्वरो आउनासाथ बिरामी आत्तिन थालेका छन् ।
स्क्रब टाईफस र डेंगुको संक्रमण भएकाहरुको संख्या दिनानुदिन बढ्दै गएको छ । जिल्ला जनस्वास्थ्य कार्यालय चितवनले दिएको जानकारी अनुसार हालसम्म १ हजार २ सय २२ जनाको रगत परीक्षण गर्दा ३ सय ९७ जनामा स्क्रब टाईफस संक्रमण भेटिएको छ ।
फोकल पर्सन राम केसीका अनुसार १ हजार ६ सय २२ जनामा डेंगु परीक्षण गर्दा ४ सय ७९ जनामा डेंगु देखिएको छ ।
जिल्लाको रत्ननगर नगरपालिका क्षेत्र डेंगुबाट बढी प्रभावित भएको छ । ३ सय भन्दा वढी संक्रमित रत्ननगर नगरपालिकाका रहेका छन् । दुवै बिरामीमा शुरुमा ज्वरो आउने हुदा समयमै अस्पतालमा उपचारका लागि आउन चिकित्सकले सुझाएका छन् ।
स्क्रब टाईफसबाट जिल्लामा ५ जनाको मृत्यु भईसकेको छ भने डेंगुबाट भने हालसम्म कसैको मृत्यु भएको छैन ।
बरिष्ठ चिकित्सक डा.प्रकाश खतिवडाका अनुसार बिरामी त्रसित नभएर सचेत हुन सके रोग छिटो निको हुने बताउनुहुन्छ । लामो समय ज्वरोबाट ग्रसित हुने र शरीरका अंगहरुले काम गर्न छाडेपछि अस्पताल पुग्ने प्रचलनका कारण स्क्रबटाईफसबाट मृत्यु भएको चितवन मेडिकल कलेजका फिजिसियन डा.शितल अधिकारीले बताउनुभयो ।
स्क्रब टाईफसबाट ५ जनाको चितवन मेडिकल कलेजमा उपचारका क्रममा मृत्यु भएको हो । दुवै रोगका बिरामीलाई ज्वरो आउने भएपनि लक्षण निकै फरक भएकाले समयमै अस्पताल आएमा डराउनु नपर्ने डा. खतिवडाले बताउनुभयो ।
डेंगु सफा पानीमा बस्ने लामखुट्टेको टोकाईबाट सर्दछ भने स्क्रब टाईफस मुसाको कानमा बस्ने माईटको टोकाईबाट सर्ने गर्दछ । स्क्रब टाईफस गत वैशाखबाट देखा परेको हो भने डेंगु साउन यता देखा परेको हो ।

लेखकबाट थप:

• लकडाउन नियम उलंघन गरेपछि सेल्टिक र एबरडीनबीचको खेल स्थगित
• पारिवारीक बनमा ठकुरी
• नेपालमै बन्छ विश्वका ७० देशलाई चाहिने आँखाको लेन्स
• सबै वडामा स्वास्थ्य चौकी बनाउने योजना
• टेष्ट वरियतामा कोहली शिर्ष स्थानमा उग्लिए