कविन अधिकारी
१८ कात्तिक, काठमाडौं । नेपाल भ्रमणमा रहेका भारतीय राष्ट्रपति प्रणव मुखर्जीले विहीबार विहान पशुपतिनाथ मन्दिरको दर्शन गरेका छन् । उनले त्यहाँ लाखवत्ती बालेर विशेष पूजा गर्ने कार्यक्रम छ ।
मित्रराष्ट्र भारतका राष्ट्राध्यक्षको विशेष पूजालाई अविस्मरणीय बनाउने गरी तयारी भएको पशुपति क्षेत्र विकास कोषका सदस्य सचिव डा. गोविन्द टण्डनले जानकारी दिए ।
राष्ट्रपति मुखर्जीको आगमनलाई मध्यनजर गर्दै पाशुपत क्षेत्र र त्यस वरपरका स्थानमा सुरक्षा व्यवस्था कडा पारिएको छ ।
onlinekhabar