स्केच
राजु बास्कोटा
काठमाडौंः भारतीय राष्ट्रपछि प्रणव मुखर्जीको बुधबार दिउँसोको नेपाल भ्रमणका क्रममा ४५ मिनेट विमानस्थल बन्द हुँदा त्यसको प्रभाव दिनैभर परेको छ । आन्तरिक र बाह्य उडानका वायुसेवाले १ देखि ३ घन्टासम्म होल्ड गरेर उडान गर्नुपरेका कारण आकासमार्ग व्यस्त हुन पुगेको हो ।
त्रिभुवन विमानस्थको एउटा मात्रै धावनमार्ग हुनु, आन्तरिक र अन्तर्राष्ट्रिय उडानका वायुसेवाको उडान तथा अवतरण रुट एउटै हुनु र दैनिक दुई सयभन्दा बढी उडान हुनु काठमाडौं विमानस्थलका प्रमुख समस्या हुन् ।
त्यसमा पनि भीभीआईपीको सवारीको समयमा ४५ मिनेटको विमानस्थल बन्दका कारण हवाई मार्ग व्यस्त भएको विमानस्थल कार्यालयले जानकारी दिएको छ । त्रिभुवन अन्तर्राष्ट्रिय विमानस्थल कार्यालयका प्रवक्ता प्रेमनाथ ठाकुरले तीन दिन अगाडि नै सूचना जारी भएकोले हवाई उडानमा ठूलो प्रभाव नपरेको बताए ।
ठाकुरका अनुसार बुधबार १२ः१० मिनेटदेखि १२ः५५ मिनेसम्मका लागि नोटिस टुर एयर म्यान (नोटाम) जारी गरिएको थियो । तीन दिन अगाडि नै पाइलट, कर्मचारी र जहाज कम्पनीका लागि जारी हुने यो सूचना भीभीआईपीको उडान तथा अवतरणका लागि हुने विमानस्थल बन्दको हो ।
पहिले १ घन्टासम्म पनि नोटाम जारी हुने भएकोले विमानस्थल कार्यालयले सकेसम्म कम समय विमानस्थल बन्द गर्ने गरी सूचना जारी गर्न थालेको छ । कुनै कारण बस १० मिनेट अगाडि वा पछाडिसम्म नोटाम लाग्नु स्वाभाविक भए पनि वायुसेवालाई असर कम पर्ने गरी यो सूचाना जारी गर्ने प्रयास हुने पनि विमानस्थल कार्यालयको भनाइ छ ।
विमानस्थल बन्दले हवाई चाप बढेका कारण केही वायुसेवा आकासमा होल्ड गर्नुपर्ने, उडान रद्द हुने वा ढिलो भएको विमानस्थल कार्यालयले जानकारी दिएको छ । विमानस्थल कार्यालयका अनुसार बुधबार भारतीय राष्ट्रपति काठमाडौं आउने मात्रै कार्यक्रम भएकोले एक पटक ४५ मिनेट मात्रै विमानस्थ बन्द भएको छ ।
शुक्रबारका लागि भने काठमाडौंबाट जनकपुर जाँदा र पोखराबाट काठमाडौं फर्कंदा तथा भारत जाँदाको समयमा पनि विमानस्थल बन्द हुने भएकाले बुधबारको तुलनामा शुक्रबार विमानस्थल धेरै समय बन्द हुन्छ । शुक्रबार विमानस्थ कर्यालयले विहान १० देखि साढे १० बजेसम्म र बेलुका ४ देखि सवा पाँचसम्मका लागि नोटाम जारी गरेको छ ।
त्रिभुवन विमानस्थको एउटा मात्रै धावनमार्ग हुनु, आन्तरिक र अन्तर्राष्ट्रिय उडानका वायुसेवाको उडान तथा अवतरण रुट एउटै हुनु र दैनिक दुई सयभन्दा बढी उडान हुनु काठमाडौं विमानस्थलका प्रमुख समस्या हुन् ।
यो समयमा विमानस्थल बन्द हुने पनि ठाकुरले बताए । ठाकुरका अनुसार नोटामका कारण भएको उडान सयम प्रभावितका कारण कुनै वायुसेवाले राति साढे १२ बजेपछि उडान गर्न चाहेमा सेवा दिइने बताए ।
राति सामान्यता साढे १२ बजेपछि विमानस्थल बन्द हुने भएकोले कुनै वायुसेवाले तीन घन्टा अगाडि नै अनुरोध गरेको अवस्थामा सेवा उपलव्ध हुने पनि विमानस्थल कार्यालयको भनाइ छ । यस अघि भूकम्पको समयमा रातैभरि विमानस्थल खुला भएको थियो ।
भीभीआईपीको उडानकै कारण परेका चापका कारण सिम्रिक एयरले बुधबार पोखराका लागि दुईवटा उडान रद्द गरेको छ । अन्य आन्तरिक वायुसेवाका पनि उडान प्रभावित हुने र निर्धारित समयमा उडाउन नसक्ने समस्या भएको सिम्रिक एयरका बजार निर्देशक प्रज्ज्वल थापाले बताए ।
भीभीआईपीको समयमा हुने हवाई चाप, उडान प्रभावित र जहाज होल्ड हुने समस्या नेपालका लागि सामान्य भएको छ । एउटै मात्र धावनमार्ग हुनु र व्यवस्थापन मिलाउन नसक्नुका कारण निर्धारित समयभन्दा बढी जहाज उडान प्रभावित भएको आन्तरिक वायुसेवाको बुझाइ छ ।
बुद्ध एयरका अपरेसन म्यानेजर सुवर्ण खरेलका अनुसार नोटाम जारी भएपछि सम्बन्धित वायुसेवाले यो समयमा उडान नगर्ने र कम उडान राख्ने गर्नुपर्छ । बुद्धले अन्य सयमा ४० वटा उडान गर्ने गरेकोमा बुधबारका लागि भने २३ वटा मात्रै राखेको जानकारी उनले दिए ।
उनका अनुसार विमानस्थ कार्यालयले समयमा नै खबर गरेको अवस्थामा व्यवस्थापन मिलाउन समस्या नहुने तर्क दिए । विमानस्थल कार्यालयका अनुसार छिमेकी मुलुक भारतमा नै तीनवटा धावनमार्ग छन् भने थाइल्यान्डमा पाँचवटा छ । ती मुलुकमा एउटा धावनमार्ग भीभीआईपीका लागि प्रयोग हुँदा अन्य धावनमार्गबाट नियमित उडान तथा अवतरण हुन्छ ।
annapurnapost