एजेन्सीःअमेरिकी राष्ट्रपति बाराक ओबामाले राष्ट्रपति निवास ह्वाइट हाउसमा दिपावली गरेका छन् ।
ह्वाइट हाउसले आफ्नो आधिकारिक फेसबुक र ट्वीटर एकाउन्टमार्फत ओबामाले दिपावली मनाएको जानकारी गराउँदै तस्बिर पनि सार्वजनिक गरेको छ ।
अमेरिकी राष्ट्रपति कार्यालयले दिपावली मनाउँदै एक सन्देश जारी गरी अमेरिका तथा विश्वभरमा उज्यालोको पर्व मनाइरहेका सबै मानिसलाई दिपावलीको शुभकामना भनिएको छ ।
ओबामाले दिपावली मनाउने आफू पहिलो अमेरिकी राष्ट्रपति भएको पनि बताएका छन् । उनले सन् २००९ मा पनि पत्नी मिसेलका साथ दिवावली मनाएका थिए ।