सिकेन्द्र पासवान, बारा, ४ कार्तिक । बाराको गढीमाई नगरपालिका वार्ड न १ मा रहेको हजारौं पशुवली चढाइने प्रख्यात गढीमाई मन्दिरको पुजारी बीच मन्दिरमा चढाएको भेटीको वाँडफाँडको बिषयलाई लिएर बिहीबार कुटाकुट भएको छ । सोही क्रममा पुजरी शम्भु चौधरी घाईते भएका छन् ।
विगत लामो समयदेखि मन्दिरमा दुई पक्षका पुजारी पूजापाठ गराउँदै आएका छन् ।  चढाएको भेटीमा दुवै पुजारीको भाग बन्डा लाग्ने गरेको पुजारी शिव चौधरीले बताउनुभयो  ।
उनीहरुबीच पटक पटक मुख्य पुजारीको बिषयमा बसह भने चली नै रहन्छ । करिब साँढे ११ बजेको समयमा पुजारी शिव चौधरी पक्षधरका निजका भतिजा शम्भु चौधरी मन्दिरमा गए पछि भेटी वाँडफाँड गर्न लाग्दा अर्का पुजारी मंगल चौधरी पक्षधरकाले शम्भु चौधरीलाई बाँसको भाँटाले हानेर लडाई दिएको घाईते चौधरीले बताउनुभयो  ।
उहाँको टाउकोमा करिब १० वटा टाँका लागेको छ । यस बिषयमा प्रहरी निरिक्षक खगेन्द्र् धमला संग बुझदा घटनाको बारेमा अनुसंनधान भईरहेको बताउनुभयो ।

gorkhapatraonline