अलकायदाको कमाण्डर भन्दै ठग्ने पक्राउ
अर्घाखाँची सिद्धारा ३ का ४१ वर्षीय बेलबासे मनमैजुमा बस्दै आएका थिए । उनले विभिन्न व्यावसायी एवं व्यक्तिलाई फोन गरेर तथा चिठ्ठी पठाएर धम्की दिने र रकम असुल्ने गरेको पाइएको महानगरीय प्रहरी अपराध महाशाखाले जनाएको छ ।
प्रहरीका अनुसार उनले आफूलाई अलकायदा विश्व संगठन (दक्षिण एसिया, नेपाल), सशस्त्र अग्निज्वाला, सशस्त्र डिफेन्स आर्मी फोर्स र टाइगर मुक्ति मोर्चाका कमाण्डरका रुपमा चिनाउने गर्थे । र, आफ्नो नाम अग्निचट्टान, विवश, असिना जस्ता भनेर मानिसहरुलाई फरक फरक नम्बरबाट फोन गर्ने तथा पत्र पठाउने गर्थे ।
उनलाई मनमैजुबाट दशैं अघि नै पक्राउ गरिएको अपराध महाशाखाले जनाएको छ । उनीसहित चार जनालाई जिल्ला अदालत काठमाडौंले अपहरण तथा शरीर बन्धक र संगठित अपराधको अभियोगमा २०७० जेठ १३ मा २७ महिना जेल सजाय सुनाएको थियो । जेल सजाय काटेर उनी २०७२ भदौ २७ गते छुटेका थिए ।
उनका साथबाट अदकायदाको नाममा १३ लाख रकम माग गरेको पत्र बरामद भएको छ । साथै विभिन्न सशस्त्र समूहका नाममा चन्दा मागेको तथा बैठक बसेको भन्ने पत्रहरु, १ लाख ५० हजार नगद र विभिन्न व्यक्तिको फोटो बरामद भएको प्रहरीले जनाएको छ ।
onlinekhabar