छेटु शेर्पा
संखुवासभाः राजमार्ग र ग्रामीण सडक खाल्डाखुल्डीसँगै हिल्लाम्य भए पछि दुई महिनादेखि यातयात चल्न सकेको छैन । दैनिक जसो सयौँ यात्रुले समस्या भोग्न बाध्य छन् । यात्रुनै सडक मर्मतमा जुट्छन्, गाडी ठेल्छन्, अनी गन्तव्यमा पुग्न हरपल कोशिस गर्छन् । यी समस्या कसरी सुरु भयो भनेर कसैले पनि सोच्दैनन् ।
मौसम र सडकको अवस्थालाई ख्याल नगरी जथाभावी सडक खनिए पछि यस्तो परिणाम आएको हो । राज्यको असारे विकास प्रवृत्तिले बजेट फ्रिज हुने भन्दै रातरात सडकलाई थप भत्काउने र रंग्याउने काम गरेपछि कोशी राजमार्ग र ग्रामीण सडकको अवस्था दयनीय भएर कामै नलाग्ने अवस्थामा पुगेको छ।
जिल्ला सडक सञ्जालसँग जोडिएका २३ सडक मात्र नभएर कोशी राजमार्ग अन्तरगत टुटेदेउरालीदेखि चैनपुरसम्मको सडकको अवस्था झ्न उस्तै छ । यता माध्य पहाडी राजमर्ग अन्र्तगत हिलेदेखि लेुगुवा सडक र लेगुवादेखि सभासम्मको सडकको हातल पनि उस्तै हो ।
संखुवासभा र भोजपुरका यात्रुको चाप धान्न दैनिक ५० बढी बस र ५० कै हाराहारीमा मालबहाक साधन चल्ने गर्छ । १५ किलोमिटर सडक पार गर्न दुई दिनसम्म लाग्ने गरेको यातयात मजदुरहरु बताउछन् ।
प्रत्येक दिन चैनपुर–मुडे सडक खण्डमा सडकले हजारौँ सर्वसाधारणलाई सास्ती दिएको छ भने दिङला–खाँदबारी सजकको हालत उस्तै छ ।
चैनपुर–मुडे सडकखण्ड र दिङला खाँदबारी कच्ची सडकका केही तस्बिर:
.annapurnapost