कैलासबावु श्रेष्ठ/गोरखा
असोज २३ गते । राष्ट्रपति विद्यादेवी भण्डारीले आइतबार उपत्यकाका विभिन्न शक्तिपीठको दर्शन र पूजा गर्दै छिन ।
राष्ट्र प्रमुखका हैसियतमा यसअघि राजाले शक्ति पीठको पूजा गर्ने परम्परा अनुसार गणतन्त्र स्थापना पछि राष्ट्रपतिले पूजा गर्ने गरेका हुन् । राष्ट्रपति भण्डारीले दिउँसो ४ बजेदेखि उपत्यकाका आधा दर्जनभन्दा बढी शक्ति पीठको दर्शन गर्ने उनका प्रमुख स्वकीय सचिव भेषराज अधिकारीले जनाएका हुन् ।
राष्ट्रपतिले रक्तकालीबाट सुरु गरी नक्साल भगवती, गुहेश्वरी, संकटा, मैतीदेवी शोभा भगवती लगायत शक्तिपीठको पूजा अर्चन गर्ने छिन् ।
यसैबीच पूर्वराजा पनि साँझ ५ बजेबाट उपत्यकाका शक्तिपीठको दर्शन र पूजा अर्चनाका लागि निस्किदै छन् । नक्साल भगवतीबाट सुरु हुने दर्शन र पूजा अर्चनाको क्रम इन्द्रायणी पुगेर टुंङ्गिने पूर्व राजाका सचिव डा.फणि पाठकले जनाएका हुन् ।

लेखकबाट थप:

• लकडाउन नियम उलंघन गरेपछि सेल्टिक र एबरडीनबीचको खेल स्थगित
• पारिवारीक बनमा ठकुरी
• नेपालमै बन्छ विश्वका ७० देशलाई चाहिने आँखाको लेन्स
• सबै वडामा स्वास्थ्य चौकी बनाउने योजना
• टेष्ट वरियतामा कोहली शिर्ष स्थानमा उग्लिए