कैलासबावु श्रेष्ठ/गोरखा
असोज २३ गते । समुद्री आँधी ‘म्याथ्यु’का कारण हाइटीमा ज्यान गुमाउनेको संख्या संख्या ९ सय नाघेको छ । आँधी प्रभावित क्षेत्रमा नब्बे प्रतिशत भौतिक क्षति भएको सरकारी अधिकारीले जनाएका छन् ।
आँधीको अधिक प्रभाव परेको क्षेत्रमा अझैपनि स्थलमार्गबाट पुग्न सकिएको छैन । हाइटीको दक्षिणी क्षेत्रमा ‘म्याथ्यु’ आँधीले बढी क्षति गरेको छ । हाइटीमा क्षति पु¥याएको आँधी अमेरिकाको साउथ क्यारोलिनाको तटीय क्षेत्रमा पुगेको छ । 
आँधीका कारण त्यहाँ तीब्र गतिमा हावा चलेको छ भने भारी बर्षा पनि भएको छ । ‘म्याथ्यु’ आँधीका कारण अमेरिकामा अहिलेसम्म दस जनाले ज्यान गुमाएका छन् । दक्षिण–पूर्वी तटीय क्षेत्रमा रहेको आँधीका कारण साउथ क्यारोलिनामा बाढी आएको छ भने विभिन्न क्षेत्रमा भूःस्खलन भएको छ ।
हजारौं मानिसलाई सुरक्षित स्थानमा सारिएको र दस लाखभन्दा धेरै मानिस विद्युत सेवाबाट वञ्चित भएको अमेरिकी अधिकारीले जनाएका छन् ।