कैलासबावु श्रेष्ठ/गोरखा
असोज १९ गते । तनहुँको आबँुखैरेनी र चितवनको मुग्लीन जोडने सडक बिहान अचानक आएको पहिरोका कारण अवरुद्व भएको छ । आँबुखैरेनी बजार देखी १ किलो मिटर दुरीमा रहेको उत्त क्षेत्रमा सुख्खा पहिरो गएका कारण दशैमा घर जान र आउन लागेको हजारौ सर्व साधारण अलपत्र परेका छन । 
केही दिन यता मौषममा आएको परिवर्तनका कारण दुई दिन देखी रातमा परेको पानी कारण उत्त पहिरो गएको अनुमान गरीएको छ । सडक क्षेत्र बाट १ सय मिटर माथि बाट खसेको पहिरोका कारण पुरै सडक ढाकीएको छ । पहिरोबाट पैदल बाहेक कुनै पनि साधान वारपार गर्न सक्ने अवस्था नरहेको आँबुखैरेनी प्रहरीले जानकारी दिएको छ । 
तनहुँ तिरको पहिरो खोल्न जेसिभी आई सकेको भएता पनि मुग्लीन तर्फको पहिरो हटाउन मेसिन नआएकोले साँझ सम्म मात्र पहिरो हटाउन सक्ने स्थानिय ब्यापारी सुनिल मल्लले जानकारी दिए । उत्त मार्ग हुदै गोरखा, लमजुङ्ग, तनहु, कास्की, बाग्लुङ्ग तथा स्याँजाका साथै पश्चिम क्षेत्रमा जाने बाटो भएका कारण अहिले सडकमा ठुलो संख्यामा सवारी साधान र हजारौको संख्यामा सर्व साधारण अलपत्र परेका छन ।
पहिरो बिहान ८ बजेको समयमा गएको थियो । पहिरोले कुनै पनि क्षेति नभएको प्रहरीले जानकारी दिएको छ । यता पहिरोकै कारण केबलकारमा गएको लाइनलाई क्षेति पुगेको छ ।
पहिरो कस्तो छ त आउनुहोस हेरौं
फोटो सौजन्य सुनिल मल्ल, भगवनबावु मास्के