कैलासबावु श्रेष्ठ/गोरखा
असोज १९ गते । दसैंको पाँचौ दिन आज शक्तिस्वरुपा भगवती स्कन्दमाताको विशेष पूजा गरिन्छ । स्कन्दमाता कमल ओछ्याएर बस्ने भएकाले यी देवीलाई पद््मासना देवी पनि भन्ने गरिन्छ ।
धार्मिक ग्रन्थका अनुसार सूर्यमण्डलकी आधिष्ठात्री देवी भएका कारण स्कन्दमाताको पूजा गर्ने भक्तजन अलौकिक तेज र कान्तिले सुसम्पन्न हुन्छन् ।
दसैंको ९ दिनसम्म हरेक दिन छुट्टाछुट्टै देवीको पूजा गर्ने चलन छ । दसैंका अवसरमा देशभरका शक्तिपिठहरुमा भक्तजनको भिड लागेको छ । यता गोरखाको विभिन्न स्थानमा रहेको देवीको मन्दिरमा श्रद्वालु भक्तजनको भिड नै लागेको छ । गोरखा बजारमा रहेको गोरखकाली मन्दिरमा बिशेष पूजा सहित बली दिने गरीन्छ भने नारेश्वरमा रहेको बिन्दयाबासिनी, खोप्लाङ्गमा रहेको अन्नपूर्ण तथा देउरालीमा रहेको अकलामा समेत श्रद्वालु भक्तजनहरुको भिड लागेको छ ।
त्यस्तै गरी गोरखाको मनकामना तथा तनहुँको छिम्केवरी र छाप्दी बाहारीमा समेत श्रद्वालु भक्तजनको भिडलागेको छ ।
उता उपत्यकाको भद्रकाली, नक्साल, शोभा भवगती, मैतीदेवी पाथिभरा, पलान्चोक भगवती, छिन्नमस्ता, मनकामना लगायत शक्तिपीठमा विहानैदेखि दर्शनार्थीको घूईंचो छ ।

लेखकबाट थप:

• लकडाउन नियम उलंघन गरेपछि सेल्टिक र एबरडीनबीचको खेल स्थगित
• पारिवारीक बनमा ठकुरी
• नेपालमै बन्छ विश्वका ७० देशलाई चाहिने आँखाको लेन्स
• सबै वडामा स्वास्थ्य चौकी बनाउने योजना
• टेष्ट वरियतामा कोहली शिर्ष स्थानमा उग्लिए