कैलासबावु श्रेष्ठ/गोरखा
असोज १८ गते । रौतहटमा जंगली स्यालको आक्रमणमा परी २३ जना घाईते भएका छन् । गरुडा नगरपालिका को मह्मदपुरमा मंगलबार बिहान स्यालले स्थानिय माथि आक्रमण गरेको थियो ।
बिहानको समयमा गांउमा हिडडुल गरीरहेका त
था बसीरहेका मानीसहरुलाई स्यालले एक्कासी आक्रमण गर्दा स्थानीयहरु घाईते भएका हुन् । जंगलबाट भागेर आएको स्यालको टोकाईबाट महम्मदपुरका ललन देवी, सावित्री देवि, नितेश यादव, बसन्त यादव, रामबहादुर यादव, रामप्रित यादव, लगायत २३ जना घाईते भएका छन । उनीहरुको हाल जिल्ला अस्पताल गौरमा उपचार भइरहेको छ ।
एका बिहानै जंगलि स्याल ले आक्रमण गरे पछि गाँउ भरी त्राश फैलिएको थियो । घाईते भएका २३ जना मध्ये १२ जना महिला, ११ जना पुरुष र १ जना ५ वर्षको बच्चा रहेको छ । स्यालको आक्रमणबाट घाईते भएका २३ जना मध्ये १३ जनालाई स्यालले घाँटी भन्दा माथि टोकेको छ भने बाकि १० जनालाई शरीरका अन्य भागमा टोकेको छ ।
एकै पटक २३ जना घाइते आए पछि जिल्ला अस्पताल गौरमा रेबिस विरुद्धको भ्याक्सीनको समेत अभाव भएको छ । अस्पतालमा भ्याक्सिनको अभाव भएकाले क्षेत्रीय मेडिकल स्टोर हेटौडाबाट भ्याक्सिन माग गरीएको जिल्ला सरकारी अस्पताल गौरले जनाएको छ ।
घाईतेहरु मध्ये घांटी भन्दा माथि टोकेको विरामीहरुलाई थप उपचारका लागि शुक्रराज ट्रपिकल मेमोरियल सरुवा रोग अस्पताल टेकु काठमाण्डौ रेफर गरीएको छ भने अर्का घाइते बसन्त यादवलाई तिलगंगा आँखा अस्पताल पठाइएको अस्पतालले जनाएको छ ।
गाउमा पसेर स्थानियलाई आक्रमण गर्ने दुई स्याल लाई गाँउलेको समूहले मारेको जिल्ला प्रहरी कार्यालय रौतहटका नायब उपरिक्षक नविन कृष्ण भण्डारीले जानकारी दिए ।

लेखकबाट थप:

• लकडाउन नियम उलंघन गरेपछि सेल्टिक र एबरडीनबीचको खेल स्थगित
• पारिवारीक बनमा ठकुरी
• नेपालमै बन्छ विश्वका ७० देशलाई चाहिने आँखाको लेन्स
• सबै वडामा स्वास्थ्य चौकी बनाउने योजना
• टेष्ट वरियतामा कोहली शिर्ष स्थानमा उग्लिए