कैलासबावु श्रेष्ठ/गोरखा
असोज १६ गते । अविरल वर्षाका कारण शुक्रबार राति पहिरो जाँदा सिन्धुपाल्चोकको राम्चे गाविसमा एकै परिवारका ३ जनाको मृत्यु भएको छ । 
राम्चे गाविस ६ मा भुकम्पपछि बनाइएको टहरामा बस्दै आएकाहरुलाई राती २ बजेतिर पहिरो खस्दा एकै परिवारका ३ जनाको मृत्यु भएको हो । 
पहिरोमा परी चन्द्रकान्त तिमिल्सेनाका जेठा छोरा रामकुमार तिमिल्सेना, कान्छा छोरा उद्धव तिमिल्सेना र बुहारी सम्झना तिमिल्सेनाको मृत्यु भएको हो । 
पहिरोमा नै परेकी जेठी बुहारी कमला तिमिल्सेना मुस्किलले बाँच्च सफल भएकी छन् । उनको बाह्रबिसे उपस्वास्थ्य केन्द्रमा उपचार भइरहेको छ । पहिरोले पुरिएका तिनै जनालाई प्रहरी र स्थानीयले पहिरो बाट आज मात्र निकालेका थिए ।
