फाइल तस्बिर
आधा घन्टाका स्थगन
काठमाडौँ: व्यवस्थापिका संसदको बैठकमा कोरम नपुगेपछि बुधबारको संसद बैठक स्थगित भएको छ ।
बुधबार विभिन्न संवैधानिक आयोग गठनसम्बन्धी विधेयकमाथि विचार गरियोस् भन्ने प्रस्ताव प्रस्तुत गर्ने क्रममा सांसद डिल्लीप्रसाद काफ्ले बैठकमा गणपुरक संख्याको बारेमा प्रश्न उठाएपछि सभामुख ओसनरी घर्तीले तीन मिनेट जनाउ घन्टी बजाउन निर्देशन दिएकी थिइन् ।
व्यवस्थापिका संसद बैठक सञ्चालनका लागि कम्तिमा एक सय ४९ सांसद हुनुपर्नेमा बैठकमा एक सय २५ सांसद मात्र उपस्थित थिए । तीन मिनेटको अवधिमा समेत गणपुरक संख्या अपुग भएपछि बैठक आधा घन्टाका लागि स्थगन भएको जानकारी सभामुखले गराएकी छिन् ।
संसद्को बैठकमा कुनै पनि विषय निर्णयार्थ प्रस्तुत हुन कम्तीमा एक चौथाइ मत आवश्यक पर्ने कानुनी प्रावधान छ।
बुधबारको संसद बैठकमा सङ्घीय मामिला तथा स्थानीय विकासमन्त्री हितराज पाण्डेले पेश गरेको ‘राष्ट्रिय दलित आयोग विधेयक, २०७३’, ‘राष्ट्रिय समावेशी आयोग विधेयक, २०७३’, ‘आदिवासी जानजाति आयोग विधेयक, २०७३’, माथि विचार गरियोस् भनी प्रस्ताव प्रस्तुत गरेका थिए ।
तीनै वटा विधेकमाथिके विचार गरियोस् भन्ने प्रस्ताव सर्वसम्मतिले स्वीकृत भएका छन् ।
संसदमा पेश भएका विधेयकमाथि उठेका प्रश्नको जवाफ दिदैं मन्त्री पाण्डेले संविधानको अन्र्तवस्तुमा रहेर सरकारले संवैधानिक आयोग गठन गर्न विधेयक ल्याएको भन्दै छलफलमा उठेका आवश्यक सुझावसहित परिमार्जन गर्न सकिने प्रष्ट पारे ।
annapurnapost