काठमाडौँ, असोज ३ गते । गोरखापत्र संस्थानको नायव महाप्रबन्धकमा गोपालप्रसाद भट्टराई नियुक्त हुनुभएको छ । उत्पादन विभागको निर्देशकका रूपमा कार्यरत भट्टराईलाई संस्थान व्यवस्थापनले आइतबारदेखि निमित्त नायव महाप्रबन्धकको जिम्मेवारी दिएको हो ।
२०३६ सालमा संस्थान सेवामा प्रवेश गर्नुभएका भट्टराई मुद्रण प्रविधिविज्ञ हुनुहुन्छ । उहाँले त्रिभुवन विश्वविद्यालयबाट इन्जिनियरिङ अध्ययन गर्नुका साथै जनप्रशासन विषयमा स्नातक गर्नुभएको छ ।
संस्थान सेवामा रहँदा अधिकांश समयावधि उत्पादन विभागमा रहेर संस्थानको प्रकाशनका छपाइमा नेतृत्वदायी भूमिका निर्वाह गर्नुभएका भट्टराईले भारतको नयाँदिल्लीबाट छपाइसम्बन्धी तालिम लिनुका साथै प्रिन्टिङ प्रेससम्बन्धी प्रदर्शनी अवलोकनका सन्दर्भमा भारत, फिलिपिन्स, हङकङ, जर्मनी, अमेरिकालगायत मुलुकको भ्रमण गर्नुभएको छ ।
gorkhapatraonline
