कैलासबावु श्रेष्ठ/गोरखा
भाद्र २१ गते । चन्द्रमामा पाइला टेक्ने वैज्ञानिक ब्रज एल्ड्रिन विराटनगर पुगेका छन् । सुनसरीमा रहेको एभरेष्ट साईन्स सेन्टरको निम्तोमा एल्ड्रिनसहितको टोली विराटनगर आएको हो ।
एल्ड्रिनले साईन्स सेन्टरमा आफुले चन्द्रमामा पुग्दाको अनुभव र आगामी मंगल ग्रहमा कसरी बस्ती बसाउने भन्ने बिषय सुनाउने कार्यक्रम रहेको छ ।
सन् १९६९ मा निल आर्मस्ट्रङसँगै चन्द्रमामा पाइला टेक्ने दोस्रो ब्यक्ति एल्ड्रिन सोमबार विहान नेपाल आइपुगेका थिए । सोमबार नै उनले लुम्बिनी लगायतको भम्रण गरेका थिए ।
आज विहान विराटनगर पुगेका उनले साईन्स सेन्टरमा बृक्षारोपण गर्ने कार्यक्रम समेत राखिएको छ । सेन्टरका अध्यक्ष डा.दिलिप अधिकारीले उनको टोलीमा उनका छोरासमेत रहेका जानकारी दिए ।
मंगल ग्रहमा बस्ती बसाउने योजनाका अध्यक्षसमेत रहेका अल्ड्रिनका छोरा डा.एन्ड्रयु अल्ड्रिन, नासाका अध्यक्ष एलिजाबेथ लेवल्याङ र वरिष्ठ वैज्ञानिक जोसेफ लेवल्याङ पनि सो टोलीमा संलग्न छन् ।
अन्तरिक्ष यान एपोलो ११ मार्फत चन्द्रमामा पुगेर पाइला राख्ने एल्ड्रिनले मंगल ग्रहमा बस्ती बसाउने योजनाका बारेमा पनि जानकारी दिनेछन् । साईन्स सेन्टरमा हुने कार्यक्रममा करिब ५ हजारको उपस्थिति रहने आयोजकले जनाएको छ ।
उनको टोली आजै काठमाण्डौ फर्कने कार्यक्रम रहेको छ । त्यसैगरि उनले बुधबार र बिहीबार काठमाडौंको प्रज्ञा भवनमा हुने अन्तरक्रिया कार्यक्रममा समेत सहभागिता जनाउने छन् । सो टोली भदौ २४ गते अमेरिका फर्कने कार्यक्रम रहेको छ ।

लेखकबाट थप:

• लकडाउन नियम उलंघन गरेपछि सेल्टिक र एबरडीनबीचको खेल स्थगित
• पारिवारीक बनमा ठकुरी
• नेपालमै बन्छ विश्वका ७० देशलाई चाहिने आँखाको लेन्स
• सबै वडामा स्वास्थ्य चौकी बनाउने योजना
• टेष्ट वरियतामा कोहली शिर्ष स्थानमा उग्लिए