कैलासबावु श्रेष्ठ/गोरखा
भाद्र २१ गते । विराटनगरको तिनटोलियाको एक होस्टेलका वार्डेनको बिभत्स तवरले हत्या गरिएको छ । शरिरको बिभिन्न्न अंङ्ग काटेर टुक्रा टुक्रा पारेको अबस्थामा ती वार्डेनको शव फेला परेको हो ।
विराटनगर–१३ शान्तिचोकस्थित ओमकार श्रेष्ठको घरमा सुनसरीको औरावनी ५ का २२ बर्षिय बिनोद यादवको अज्ञात समूहले हत्या गरेको हो । उनको शव होस्टेलमा फेला परेको थियो । विराटनगरको तिनटोलियामा रहेको अक्सर्फोस होस्टेलका वार्डेन यादव एक नीजि बिद्यालयमा समेत काम गर्ने गरेको बताईन्छ ।
होस्टेल पछाडी रहेको डेरामा बस्दै आएका यादवलाई सोमबार राती करिब ९ बजे एक समूहले बोलाएका थिए । होस्टेल अगाडीबाट अज्ञात समूहले मोटरसाईकलमा हालेर लगेको यादवको शव मंगलबार विहान फेला परेको थियो । हाल सो होस्टेलमा एक १३ बर्षका बालक मात्र बस्दै आएका छन् ।
यादवको शरिरको बिभिन्न भाग गिडेर टुक्रा टुक्रा पारिएको छ । दुई तल्ले सुनसान घरको भुँई तल्लामा टाउको र खुट्टा गिडेर तन्नामा पोको पारिएको थियो । टाउकोलाई रातो कपडा र खुट्टालाई निलो रंङ्गको तन्नामा पोेको पारिएको थियो । शरिरको बिचको भाग भने डसनालाई बेरेर राखिएको बताईएको छ । यादवको माला, घडी, चप्पल लगायतका सामान शव छेउमा नै पोको पारेर राखिएको फेला परेको छ ।
६ दिन अघि मात्र सिरहाका यादव थरका ४ जना विद्यार्थीहरु उक्त घरको भुंइतल्लाको फल्याटमा भाडामा बस्न आएको स्थानियले जानकारी दिएका छन । घर धनि श्रेष्ठ केहिदिन यता घरायसी कामले धनकुटा गएको अवस्थामा भाडा लगाइएको कोठामा हत्या भएको घर धनिका बहिनी भावना श्रेष्ठले जानकारी दिए ।
प्रहरीले यो घटनाको बिषयमा आधिकारिक जानकारी दिएको छैन् । स्रोतका अनुसार घटनामा संलग्न शंकास्पद ३ जनालाई प्रहरीले नियन्त्रणमा लिएर अनुसन्धान भैरहेको बुझिएको छ । घटनास्थललाई प्रहरीले शिल गरेर अनुसन्धान गरिरहेको छ । घटना थाहा पाएलगतै स्थानीयबासीको भीड लागेको छ ।

लेखकबाट थप:

• लकडाउन नियम उलंघन गरेपछि सेल्टिक र एबरडीनबीचको खेल स्थगित
• पारिवारीक बनमा ठकुरी
• नेपालमै बन्छ विश्वका ७० देशलाई चाहिने आँखाको लेन्स
• सबै वडामा स्वास्थ्य चौकी बनाउने योजना
• टेष्ट वरियतामा कोहली शिर्ष स्थानमा उग्लिए