बसन्त पराजुली
राजधानी काठमाडौंलाई तराइका जिल्लाहरू सग जोड्ने मुख्य सडक नारायणगढ मुग्लिन सडकको यात्रा जोखिम बढ्दै गएको छ । यो सडकमा पछिल्ला दिनमा वढ्दै गएका शृङ्खखलावद्ध दुर्घटना पछि प्राविधिक टोलीले गरेको अध्ययनमा यो सडकका ३२ स्थानलाई दूर्घटनाको जोखिम क्षेत्र औल्याइएको हो । जवकी यो सडक ३६ किलो मिटर दूरी को छ ।
“यो सडकमा सवै भन्दा जोखिम जुगेडी देखि मुग्लिन सम्मको २२ किमि सडक क्षेत्र हो । यहाँ ३२ ठाउँमा दूर्घटनाको सम्भावना उच्च देखिएको छ”, ट्राफिक प्रहरी कार्यालय चितवनका प्रमुख टाफिक प्रहरी निरिक्षक राजन भेटवालले भन्नुभया,े “यसरी हेर्दा प्रत्येक किलोमिटर दुर्घटनाको उच्च जोखिम क्षेत्रमा पर्छ ।”
जिल्ला ट्राफिक कार्यालय चितवन र सडक कार्यालयका प्राविधिक टोलीले सो अध्ययन गरेका हुन् ।
अघिल्लो शुक्रवार विहान २५ जनाको ज्यान जाने गरी त्रिशुलीमा ग १ ख ३७०९ नम्वरको वस खस्यो भने ६ जना गंभिर घाइते हुने गरि शनिवार ना३ख ४५५६ नम्वरको माल वहाक ट्रक त्रिशुलीमै खस्न पुग्यो ।
यस्तै इलाका प्रहरी कार्यालय मुग्लिनमा रहेको तथ्याङ्कले पनि पछिल्ला वर्षहरुमा यो सडकमा सवारी साधनको दुर्घटना वढ्दै छ भन्ने देखाउछ ।
कार्यालयका अनुसार २०७१ । ०७२ मा १४२ दुर्घटना भएकोमा ०७२ । ७३ मा वढेर २४० पुगेको छ । यो सख्या २०७३ । ७४ मा अझै वढ्ने सक्रेत प्रष्ट देखिएको छ । यो आर्थिक वर्षको डेड महिना नपुग्दै ४९ दूर्घटना भएका छन् । यो सडकमा विगत दूइ वर्ष यता दूर्घटना कै कारण ७७ जनाको मृत्यु भै सकेको छ भने ६१९ जना घाइते भएका छन् । यसरी दूर्घटना वढ्दै गएपछि प्राविधिक टोलीले सो अध्ययन गरेका हुन् ।
“अहिले जति दूर्घटना भै रहेका छन् अधिकाश चालककै लार्पवाहीले भएका हुन्”,
चितवनका ट्राफिक प्रहरी निरिक्षक भेटवालले भन्नुभयो, “साघुरो, उकालो ओरालो र घुम्ति धेरै भएको नारायणगढ मुग्लिन सडकको जीर्ण अवस्था पनि दूर्घटना वढ्नुको कारण हो ।”
अहिले सडकको माथिल्लो भागको चौडाई साढे पाँच देखि ६ मिटर मात्रै छ । वढ्दो सवारी साधनको चापलाइ मध्यनजर गर्दा यो कम हो । दूर्घटना जोखिम क्षेत्र सडकको त्रिशुली नदी किनार तर्फ रेलिङ निर्माण, प्यारफिट निर्माण, ग्याविन वाल निर्माणको काम अगाडि सार्न पनि प्राविधिक टोलीले सुझाव दिएको छ ।
नारायणगढ मुग्लिन सडकमा अहिले ३० मिटर गोलाइ भन्दा कम गोलाइ भएका घुम्ति घुमाउने, सेति दोभान, दासढुगा , तीन नम्वर पुल, जलविरे लगाएतका सात स्थान भन्दा वढी छन् । जुन बढी दुर्घटना हुने स्थल वनि रहेका छन् । एशियाली सडकको मापदण्डले पनि कम्तिमा ४० मिटर भन्दा वढी गोलाइ भएका घुम्ति रहनुपर्ने उल्लेख गरेको छ ।
“सडक साघुरा छन् । घुमाउरो धेरै छ अगाडिवाट आएको सवारी साधनलाइ बीचमा रहेको पहाडले छेक्दा देखिदैन अनि दूर्घटना हुन पुगेको छ”, नारायणगढ मुग्लिन सडक निर्माण आयोजनाका इन्जिनियर शिव खनाल भन्नुहुन्छ, “अव सडक विस्तार गर्दा अन्तराष्ट्रिय मापदण्ड पुग्ने गरि अगाडि बढ्नुपर्छ । ”
“ चालीस किलोमिटरको प्रतिघण्टाको गतिमा गाडी गुड्दा घुम्तिमा अगाडिबाट आउने साधनलाई गाडी ठोक्निवाट वच्नका लागि बीचको फरक ८५ मिटरको दुरी हुनुपर्छ तर त्यो पनि छैन”, इन्जिनियर खनालले भन्नुभयो । उहाँले यथास्थितिमै सडक राखि रहने हो भने दूर्घटना अझै वढ्दै जाने निश्चित रहेको पनि वताउनुभयो ।
उहाँका सडक पूर्ननिर्माणकै क्रममा रहेको यो राजमार्गका सवै स्थानका घुम्तिालाई कम्तिमा ४० मिटर गोलाइ भन्दा वढीका बनाउने गृहकार्य भै रहेको पनि जानकारी दिनुभयो । सडक विस्तारका लागि आयोजनाले दुई अर्व ९० करोड वजेट खर्च गर्दै छ । सन् २०१५ अप्रिल वाट शुरु भएकोसडक निर्माणको काम २०१७ को अगष्टमा सकिने योजना छ ।
“सडक आफैमा समस्या होला तर सडकलाई मात्रै दोष लगाएर उम्कन मिल्दैन”, ईन्जिनयर खनालले भन्नुभयो, “ चालकको लार्पवाही दूर्घटनाका प्रमुख कारण हुन् भने ट्राफिकले गर्नुपर्ने नियमित कार्य पनि प्रभावकारी गर्न नसक्नु दोश्रो समस्या हो ।”
सडकमा गुड्ने थोत्रा सवारी साधनको अवस्था, सडकमा अत्यावश्यक सडक संक्तेतको अभाव पनि दूर्घटना वढ्नुको कारण हो । अदक्ष चालकले सहजै चालक अनुमति पत्र पाइरहने अवस्था नरोकिए सम्म दूर्घटना रोकिदैन । यसको नियन्त्रणमा सवै पक्षको ध्यान पुग्नुपर्ने आवश्यकता औल्याइएको छ ।
gorkhapatraonline
