तस्बिर गुगल
कैलासबावु श्रेष्ठ/गोरखा
भाद्र १८ गते । अविरल बर्षासँगै आएको पहिरोमा परेर ताप्लेजुङमा एकै परिवारका ३ जना सहित चार जनाको मृत्यु भएको छ ।
गएराति ताप्लेजुङ नगरपालिका २ का टिका मगरको घर पहिरोले पुरीदा श्रीमति २८ बर्षिया विमला र छोराहरु नौ बर्षका मनोज र सात बर्षका ललितको मृत्यु भएको प्रहरीले जानकारी दिएको छ ।
घरमाथीवाट झरेको पहिरोमा पुरिएका उनीहरुको शव सुरक्षाकर्मीले शनिवार विहान निकालेका हुन । पहिरोले पुरिएर ताप्लेजुङ नगरपालिका–८ कि दिलकुमारी पालुङवाको पनि मृत्यु भएको प्रहरीले जनाएको छ । पहिरोमा परेर गम्भिर घाइते भएकी उनकी बहिनी कृष्णकुमारी पालुङवाको जिल्ला अस्पतालमा उपचार भैरहेको छ ।
शुक्रवार साँझ देखिको अविरल बर्षाका कारण ताप्लेजुङ नगरपालिकाको दोखु क्षेत्रको धेरै ठाँउमा पहिरो गएको छ । । सो स्थानमा २० भन्दा बढि घरमा पहिरोले क्षति पु¥यााएको बताइएको छ । पहिरो गएको ठाँउमा उद्दारका लागि प्रहरी र सेनाको टोली खटिएको छ ।
पहिरोले मेची राजमार्गको पाँचथर ताप्लेजुङ सडकखण्ड अवरुद्ध बनाएको छ । पहिरो हटाउनका लागि पहल भैरहेको स्थानीय प्रशासनले जानकारी दिएको छ ।