काठमाडौँ – समाजमा फरक–फरक खालका मान्छे छन् । ती मध्ये धेरै प्रतिशत सद्दे छन् भने केही मान्छे नकारात्मक प्रवृत्तिका छन् । समाजको परिवर्तन गर्छु भनेर राजनीतिक पार्टीमा सम्बद्ध भएको मान्छेको सोच त साँच्चै सकारात्मक हुनुपर्छ । नत्र राजनीतिमा नलागेपनि हुन्छ ।

तर त्यसको ठिक विपरित सकारात्मक भन्दा नकारात्मक धन्दामा लाग्ने र आफू सम्बद्ध पार्टीलाई समेत बदनाम गराउने धन्दामा नेकपा(माओवादी केन्द्र)का नेता बताउने निर्मल बराल देखिएका छन् । खासमा उनको परिचय ठूलो नेताको रुपमा छैन । उनी जिल्लास्तरका सामान्य नेता हुन् तर उनको धन्दा भने नपत्यादो खालको रहेको छ । उनी नेपालको गोप्य सूचना भारतीय खुफिया एजेन्सलाई बेच्छन् र आफू क्रान्तिकारी एवम् महान तथा गौरवशाली पार्टीको सदस्य भएको दावी गर्छन् ।

एक स्रोतले दिएको जानकारीअनुसार बरालले प्रयोग गर्ने ९८४२०५७९२९ नम्बरको मोबाइलबाट भारतीय दूतावास र एजेन्सीका अधिकारीसँग सातामा पाँच पटक जसो कुराकानी हुने गरेको कल डिटेलमा देखिएको छ । उनले पछिल्लो पटक सरकार परिवर्तन हुने बेलामा मात्रै सो नम्बरबाट सातामा १३५ मिनेट कुराकानी गरेको रेकर्ड देखिएको छ ।

यस्तै पश्चिमा संदिग्ध एनजिओका अधिकारीहरुसँग मात्रै बरालले १४० मिनेट कुरा गरेको कल डिटेलमा देखिएको छ । बराल र भारतीय खुफिया एजेन्सीका अधिकारी र पश्चिमा संदिग्ध एनजिओकर्मीसँग गरिएको कुराकानी र टेक्स म्यासेजमा नेपालको महत्वपूर्ण सूचना बेचिएको अनुमान गर्न सकिने स्रोतले बताएको छ ।

प्रकाश र गिरराजमणिको नाम बेच्दै धन्दा गर्दै
बरालले नेकपा(माओवादी केन्द्र)का नेता नारायणकाजी श्रेष्ठ प्रकाश र अर्का नेता गिरिराजमणि पोखरेलको नाम बेच्दै आफ्नो धन्दा चलाउने गरेका छन् । भए नभएका अनावश्यक कुरा लगेर नेताको बुद्धि भुट्नेदेखि अनावश्यक काम गराउन दबाव समेत बरालले दिने गरेको ती नेताका निकटस्थले बताउने गरेका छन् । उनले पत्नी एवम् सांसद् अनिता परियारलाई समेत गलत धन्दामा प्रयोग गर्ने गरेको स्रोतको दावी छ ।

उनले अनिता दलित हुन्, उनले भनेको जे पनि हुन्छ भन्दै गफ दिने गरेको बताइन्छ । खुफिया एजेन्सीसँग कहिले काही सांसद पत्नी अनिताको नम्बरबाट समेत फोन गर्ने गरेको कल डिटेलमा देखिन्छ । उनले पछिल्लो पटक शिक्षा मन्त्री बनेका धनीराम पौडेललाई पनि शिक्षा मन्त्री भन्दा स्वास्थ्य मन्त्री बन्नुपर्छ भन्दै उकासेका थिए । बरालले नारायणकाजी र गिरिराजमणिको बायोडाटा समेत बेचेको बताइन्छ ।

शिक्षामा पैसा छैन दाई, स्वास्थ्यमन्त्री बने गैरसरकारी संस्थाको पैसा पनि चलाउन पाइन्छ, मालामाल भइन्छ भन्दै तीन पटक भन्दा बढी भेटघाट गरेका थिए । तर पौडेलले मसँग यस्तो प्रस्ताव लिएर आउने भए अबदेखि नभेटे हुन्छ भनी थर्काएर पठाएपछि धनीरामले गरिखाँदैन भन्दै बरालले गफ दिने गरेका छन् ।

धनीराम खत्तम मान्छे रहेछ मैले भनेको मानेन नी भन्दै बरालले चिया पसलमा कुरा काट्ने गरेको बताइन्छ । त्यसो त तत्कालीन स्वास्थ्यमन्त्री अमिक शेरचनको नाम लिएर बरालले करोडौं रुपैयाँ स्वास्थ्यका कर्मचारीसँग उठाएको बताइन्छ । सरुवा मिलाइदिन्छु, बढुवा मिलाइदिन्छु भन्दै बरालले रकम उठाएपनि कुनै पनि काम नभएपछि स्वास्थ्यका कर्मचारी बराल खोज्दै हिँडेका थिए त्यतिखेर ।

स्वास्थ्यका एक उच्च अधिकारीले भने माओवादीभित्र बराल जस्ता भ्रष्ट र गन्हाएका मान्छे पनि छन् भन्दा पत्याउन गाह्रो होला तर बराल हद दर्जाको भ्रष्ट व्यक्ति रहेछन् । उनले शेरचनको नाम बेचेर उठाएको रकम फिर्ता माग्न जाँदा टाउको खोलामा ज्यान झोलामा बनाइदिन्छु भन्दै स्वास्थ्यका चार कर्मचारीलाई थर्काएको स्रोतको दावी छ ।
महिला देख्नै नहुने
बरालको अर्को समस्या भनेको केटी मान्छे देख्नै नहुने रहेको उनका निकटस्थहरु बताउँछन् । २०४९ सालमा तत्कालीन एकता केन्द्रको विद्यार्थी संगठनको केन्द्रीय सदस्यबाट राजनीतिमा उदाएका बरालले आधा दर्जन बढी महिलालाई माया जालमा पारेर उनीहरुको सतित्व लुटेको बताइन्छ । उनकी पूर्व–पत्नी इन्दिरा त्यसैको एक उदाहरण हुन् । छोरा नपाएको भन्दै बरालले इन्दिरालाई कहिले डाडुले त कहिले कुकरले हानेर घाइते नै बनाएको बताइन्छ ।

इन्दिराका माइती पट्टीका आफन्तले दिएको जानकारीअनुसार बराल छोरा जन्माउन चाहन्थे तर पत्नीले छोरी पाएपछि यातना दिने क्रम सुरु भएको थियो । पत्नीलाई मरणासन्न हुने गरी कुटेपछि आफन्तले काठमाडौँ ल्याएर उपचार गराएका थिए । यता लाहानबाट प्रकाशित हुने पूर्व साप्ताहिकमा काम गर्दा गर्दै हालकी पत्नी अनितालाई पनि माया जालमा फसाएका थिए बरालले ।

अनुचित क्रियाकलाप गर्दै गर्दा पत्रिकाका तत्कालीन सम्पादक रामरिझन यादवले रंगेहात फेला पारेपछि बाध्यतामा परेर बरालले अनितालाई विवाह गरेका थिए । विवाह गरेपनि हालसम्म घर भित्र्याएका छैनन् उनले । तर अनितालाई पनि मानसिक यातना दिने क्रम जारी रहेको बताइन्छ ।

२०६२÷६३ को आन्दोलनपछि सुनसरीको पार्टी इन्चार्ज समेत बनेका बरालललाई हेटौडा पूर्व र झापा पश्चिमका चिन्ने जान्ने भ्रष्ट र पतित व्यक्तिका रुपमा चिन्ने गर्छन । सार्वजनिक सवारीमा समेत बराल यता नदेखिए हुन्थ्यो भन्दै कुराकानी हुने गरेको बताइन्छ ।

पछिल्लो पटक एमाले नेतृत्वको सरकारबाट माओवादी केन्द्र बाहिरिएपछि सरकारलाई विश्वासको मत दिने अवस्था आए आफुहरुसँग दश सांसद रहेको भन्दै ओलीका भित्रियाहरुसँग फोन समेत गरेको बताइन्छ । यसबारेमा ओलीका एक सल्लाहकारसँग सम्पर्क गर्दा उनले भने बराल थर भएका एक माओवादी नेताले फोन गरेको बताए । उनका बारेमा आएको समाचारबारे बरालसँग प्रश्न गर्दा यस्ता कुराको म जवाफ दिन्न भन्दै फोन राखिदिए । आजको जनआह्वान साप्ताहिकमा खबर छ ।