तस्बिर गुगल
कैलासबावु श्रेष्ठ/गोरखा
भाद्र १६ गते । बुधबार राती आएको अविरल बर्षाको कारण दोलखाको लामावगर गाविस वडा नं ४ स्थित छ्योतछ्योतमा पहिरो जाँदा २ जनाको मृत्यु भएको छ भने आधा दर्जन भन्दा बढी बेपत्ता भएका छन् ।
पहिरोले छ्योतछ्योतमा रहेका तीन घर पूर्णरुपले पुरेको छ । मृत्यु हुनेहरुमा दोलखा जिल्ला लामावगर गाविस वडा नं ५ निवासी २१ बर्षिय वडुले तमाङ र २० बर्षिय पेममाया तमाङ रहेका छन् । पहिरोले पुरिएर वेपत्ता हुनेहरुमा लामावगर गाविस वडा नं ४ छ्योतछ्योतमा बस्ने ४० बर्षिय पातमाया तमाङ, बर्ष २ को छेसाङ तमाङ, बर्ष ७० की सतमाई तमाङ, बर्ष २५ की त्रिसी तमाङ र बर्ष ४५ को मंगले तमाङ रहेका छन् ।
पहिरोको कारण लामावगर ५ स्थित अपर तामाकोसी सिनो हाइड्रो पावरमा काम गर्ने बर्ष ३५ को विक्सुइलियाङ ९द्यक्ष्ह्ग्भ्ीक्ष्ब्ल्न्० को भन्ने चाइनिज नागरिक र लामाबरगर गाविस वडा नं ४ बस्ने बर्ष ५६ मिन बहादुर ठकुरी घाइते भएका छन् । घाइते मध्य चाइनिज नागरिक भाग्ने क्रममा खुट्टा भाचिइ घाइते भएकोले उपचारका लागि चाइना मार्फत हेलिकप्टर मगाई उपचार गर्ने बताइएको छ भने अर्का घाइते ठकुरीलाई उपचारको लागि सदरमुकाम चरिकोट पठाइएको छ ।
पहिरोको खवर आउनासाथ जिल्ला प्रहरी कार्यालयले घट्नास्थल नजिक रहेको प्रहरी चौकी रोल्वालिङलाई उद्धारको लागि खटाएको थियो । उद्धारको लागि जिल्लाबाट थप प्रहरी घट्ना स्थलमा जादै छ भने घटनास्थमा हाल प्रहरीको साथमा नेपाली सेना, शसस्त्र प्रहरी लगायतको टोली खटिएको जिल्ला प्रहरी कार्यालयका प्रहरी नायव उपरिक्षक रविन कार्कीले जानकारी दिनु भयो । घटनास्थल सदरमुकामबाट ६८ किलोमिटर उत्तरी दुर्गम भेगमा रहेको कारण तत्काल उद्धार गर्न कठिनाई भए पनि त्रिपाल, टेण्ट लगायतका अत्यावश्यक सामग्री सहित प्रहरी घट्नास्थलमा जादै गरेको प्रहरी नायव उपरिक्षक कार्कीले जानकारी दिनु भयो ।
