कैलासबावु श्रेष्ठ/गोरखा
भाद्र ११ गते । मुग्लिन–नारायणगढ सडक खण्ड अन्तर्गत चितवनको जलबिरेवाट आज विहान त्रिशुली नदिमा खसेको ट्रकवाट प्रहरीले सात जनाको उद्धार गरेको छ ।
ना ३ ख ४५५६ को ट्रक अनियन्त्रित भएर नदीमा खसेपछि त्यसमा रहेका चालक सहितका यात्रुको प्रहरीले उद्धार गरेको हो । सातै जना घाइते भएकाले उद्धार लगत्तै उपचारका लागि चितवन पठाइएको छ ।
ट्रकमा रहेका सातै जना एकै परिवारका र नारायणगढवाट मनकामना दर्शनका जान लागेका दर्शनार्थीहरु भएको प्रहरीले जनाएको छ । प्रहरीका अनुसार घाइते सबैको अवस्था गम्भीर छ । ट्रक खसेको थाहा पाउने वितिक्कै प्रहरी दुर्घटनास्थल पुगेर उद्धार गरेको हो ।
दुर्घटनाको बारेमा थप अनुसन्धान भैरहेको प्रहरीले जनाएको छ । हिजो विहान सोही सडकखण्डवाट यात्रुवहाक बस त्रिशुली नदीमा खस्दा २२ जनाको मृत्यु भएको थियो ।

लेखकबाट थप:

• लकडाउन नियम उलंघन गरेपछि सेल्टिक र एबरडीनबीचको खेल स्थगित
• पारिवारीक बनमा ठकुरी
• नेपालमै बन्छ विश्वका ७० देशलाई चाहिने आँखाको लेन्स
• सबै वडामा स्वास्थ्य चौकी बनाउने योजना
• टेष्ट वरियतामा कोहली शिर्ष स्थानमा उग्लिए