कैलासबावु श्रेष्ठ/गोरखा
भाद्र १० गते । रौतहट जिल्लाको गौर बजारबाट पोखराको लागि छुटेको ग. १ ख ३७०९ नम्बरको यात्रु बाहक बस नारायणगण–मुग्लिन सडकखण्डको चण्डीभन्ज्याङ गाउँ बिकास समिति–६ मा सडकबाट त्रिशुली नदीमा खस्दा मर्नेहरुको संख्या २१ पुगेको छ । मृक्तक मध्ये एक जनाको उपचारको क्रममा र २० जनाको घटनास्थलमै मृत्यु भएको थियो ।
चितवनका प्रहरी प्रमुख एसपी बसन्त कुँवरले दिएको जानकारी अनुसार २० जनाको घटनास्थलममा र १ जनाको चितवनमा उपचारको क्रममा मृत्यु भएको हो । मृक्तक कोही कसैको पनि अहिले सम्म पनि पहिचान खुल्न सकेको छैन । मृत्यु हुनेमा २ जना महिला समेत रहेका छन ।
दुर्घटनामा परी १६ जना गम्भीर घाइते छन् । उनीहरुको भरतपुरको विभिन्न अस्पतालमा उपचार भइरहेको छ ।
दुर्घटना बिहान ३ः३० बजे भएको प्रहरी जानकारी दिएको छ । घटना पछि चालक र सहचालकको अवस्थाबारे अहिले सम्म पनि जानकारी प्राप्त गर्न नसकिएको प्रहरीले जनाएको छ ।