भाद्र ८, २०७३- बिहार प्रहरीमा सुराकीको काम गर्दैआएका सुस्ताका एक ब्यक्तिको हत्या अभियोगमा १८ जना नेपाली वरुद्ध भारतमा मुद्दा चलाइएको छ ।

सुस्ताको जनता दलित प्राबि पछाडि घर भएका २७ वर्षीय प्रभु लोनियाको एक महिना अघि बगाहको नौरगिंया कटाहाको खेतामा  शब फेला परेको थियो ।  सीमापारी भएको घटनामा सीमावारीका मानिसमाथि मुद्दा चलाइएको छ ।
भारतीय प्रहरी उक्त घटनापछि धेरैको नाम मुछेपछि स्थनीयहरु भाग भागको स्थितिमा छन् । उनीहरु त्रसित छन् । बिहारको बगहा अदालतमा मुद्दा चलाइएको छ ।
मृतक लोनिया सुस्तास्थित आफ्नो ससुरालीमा बसेर बिहार पुलिसका लागि सुराकीको काम गर्दै आएको स्थानीय भन्छन् ।
सुस्तामा रहेका नेपालीका गतिबिधि र दिनचर्याका बारेमा उनले बिहार प्रहरीलाई जानरकारी दिन्थे र नेपालीलाई भुठा आरोप लगाएर सताउथे भन्ने स्थानियको आरेाप छ ।

भारतिय बाटो प्रयोग गर्न बाध्य सुस्तेलीलाई बिनाकारण चेकजांचका नाममा घण्टौ दुःख दिने भारतिय सुरक्षाकर्मी -एसएसबी) ले घटनापछि झनै सताउने गरेको स्थानीयको गुनासो छ ।
नवलपरासीका प्रमुख जिल्ला अधिकारी महादेब पन्थले त्यस बारेमा सुस्तालेलीले बिहार प्रहरीले आफुहरुलाई फसाउन खोजिएको भन्दै मौखिक रुपमा जानकारीमा रहेको र प्रहरीलाई खटाइएको जानकारी दिए ।